O Papa abre a posibilidade de bendicir as parellas homosexuais
Isto faime lembrar a sanción canónica que o bispo de Santander e no seu día o bispo de Mondoñedo Ferrol impuxeron ao cura Luis Patiño por denunciar a actitude homófoba do bispo Segorbe-Castellón no portal de Belén.
No portal de Belén había un letreiro escrito "os gays non poden entrar no portal de Belén porque así o di o bispo de Segorbe-Catellon". Luis Ángel lembroulle a Sánchez Monge que Deus é Pai e quere a todos e cada un dos seus fillos sen ter en conta a súa orientación sexual.
Pero respondeu que ía en contra da doutrina oficial da Igrexa á que Patiño lle dixo "que teña respecto ás persoas xa que todos somos fillos de Deus e creados á súa imaxe e semellanza".
O Papa xa non o di oralmente, senón por escrito. O Papa abre a posibilidade de bendicir as parellas homosexuais. Agora e antes, o papa Francisco pedira respecto.
O párroco de Momán (Xermade) fixo este xesto como denuncia das palabras do bispo de Segorbe-Castellón contra os homosexuais en 2014.
Os gais non poden entrar no belén instalado na capela de San Antonio, situada na localidade de Momán, no concello chairego de Xermade. A decisión tomárona os pastores que están á volta do parto, porque temen que entre os Reis Magos haxa unha persoa con ese perfil e rexeitan a xente con esa característica. Un cartel coa prohibición de pasar advirte desa decisión
Se a alguén lle parece un claro xesto de homofobia, convén aclarar que a intención é precisamente a contraria. O cura Luis Rodríguez Patiño, que presta servizo a esta parroquia, así como a de Labrada (Guitiriz) e outras de Monfero e Aranga, quixo simbolizar publicamente o seu aberto rexeitamento coas palabras do bispo de Segorbe-Castellón, Casimiro López Llorente, quen dixo que o matrimonio homosexual podería levar a violencia e nenos perturbadores.
Patiño, que non anda pola mato para criticar opinións da xerarquía eclesiástica coas que non está de acordo, tampouco elude nesta ocasión a contundencia. "Quen é un bispo para insultar así?", preguntouse. Mesmo afirmou sentir "vergoña" por palabras como esas, e implora ao Para que lle diga "algo" a uns bispos que, ao seu xuízo, "fagan dano aos fillos de Deus".
O belén instalado naquela capela de Momán non evita temas de actualidade, por moi polémicos que sexan. Así, este ano fixéronse alusións ao valado instalado en Ceuta para impedir o paso de inmigrantes, e San Xosé, a Virxe María e Xesús non están no belén senón no cárcere tras protagonizar un escrache diante do pazo de Herodes.
Decreto do 18 de xaneiro de 2014... do antigo bispo de Mondoñedo-Ferrol e hoxe bispo de Santander.
E por denunciar as palabras homófobas do bispo Segorbe-Castellón.
Se analizamos a historia da Igrexa nos dous últimos séculos, podemos ver que, salvo honrosas excepcións, opúxose á nova forma de entender a realidade: mundo material, persoa, Deus, xurdida da Ilustración. Xorde unha nova forma de ver e interpretar o mundo. A intelixencia debe iluminar a vida humana e coñecer a realidade na que se move; a razón debe ser a que guía o home. A tradición co seu argumento desde a autoridade debe someterse ao exame da razón, a revelación mesma non pode escapar deste exame. Non é estraño que na época restauracionista, despois do Vaticano II, sen esquecer a loita antimodernista, a xente falase contra a Ilustración e acusase de relativismo todo o que se movía.
Chersterton afirmou: "A Igrexa pídenos que nos quitemos os sombreiros, non a cabeza, ao entrar nela".
Así, "Na Igrexa hai sitio para todos, repite despois de min, para todos, todos, todos", dixo o papa Francisco. Pero, por desgraza, sempre haberá quen acuse aos demais de fomentar divisións, xerar odio e abrir camiño ao cisma.
O cristianismo a nivel global está hoxe ameazado por organizacións relixiosas fundamentalistas que promoven o discurso de odio e son contrarias aos valores do cristianismo orixinal. Ao mesmo tempo, están en alianza coa extrema dereita e contan co apoio de importantes sectores da xerarquía católica, que con frecuencia se converten nos seus portavoces.
Francisco está trazando as liñas para unha Igrexa máis sinxela, integrando todas as sensibilidades. Na Igrexa hai sitio para todos, ata tres veces, fixo berrar aos mozos de Lisboa. Unir esforzos para crear unha Fraternidade eclesial plural e diversa, integradora e non excluínte.
Decenas de teólogos, profesores e mesmo bispos sufriron a ira e a represión dunha Curia Vaticana que actuou sen piedade nin respecto ao seu propio pobo. Polo "pecado" de querer ser fiel ao Concilio Vaticano II.
O Papa da primavera tivo que vir para rehabilitalos e recuperalos. De feito, nunha visita a Roma de José María Castillo, o papa Francisco díxolle: Agradézoche o que estás escribindo e publicando. Pídoche que non deixes de escribir e publicar porque fai moito ben á xente.
