Farémoslle fronte
jueves, 21 de diciembre de 2023
Ó longo da vida vanse presentando multitude de obstáculos.
Antes de superalos, ata nos parecen insalvables.
Pero, cando poñemos o empeño necesario, comprobamos que temos moitas máis capacidades das que usamos habitualmente.
Teño entendido que as persoas que máis usan súa capacidade intelectual, só usan o 2% da total.
Queda o 98% na reserva...
¿Para cando?
O mellor que podemos facer é empregarnos a fondo.
SAÍR A FLOTE NO MAR DA VIDA É MOI IMPORTANTE.
Tan importante como ter unha boa calidade de vida.
A vida na prehistoria era moi difícil: vivían en covas, sen hixiene, sen luz...
Na idade Media, no noso país pasaban a vida loitando para recuperar territorio.
NOS NOSOS DÍAS NON SE TEN MOI CLARO O QUE ESTÁ PASANDO NIN O QUE NOS ESPERA.
A maioría dos cidadáns de a pé pasamos a vida traballando.
Son os gobernantes os que van marcando as pautas a seguir.
Deste xeito vanse superando etapas.
No tocante á supervivencia material, a maioría arrimámolo ombreiro.
Temos claro que o progreso económco ten o seu prezo.
Pero...
- ¿QUÉ PASA COAS COUSAS QUE NON TEÑEN PREZO?
Aínda que nos preocupa e nos ocupa moito o benestar material...
A vida é moito máis.
O BENESTAR PSICOLÓXICO E O BENESTAR ESPIRITUAL TAMÉN FORMAN PARTE DA VIDA DOS HUMANOS.
As estadísticas falan a miúdo do benestar económico, porque a economía é un piar moi importante.
Fálase menos do benestar psicolóxico e moito menos do espiritual; pero...
- A INFANCIA SOFRE ACOSOS DE TODO TIPO.
Seguramente teremos que acompañar máis que nunca ás nosas criaturas.
Seguramente necesitarán máis tempo e menos tecnoloxía.
Seguramente necesitarán máis educación no fogar.
Seguramente necesitarán máis principios e menos ropa de marca.
Seguramente...
- NA ETAPA ADULTA E NA SENIL, TAMPOUCO FALTAN PROBLEMAS.
Deso xa sabemos moito.
- HAI MÁIS VIOLENCIA QUE NUNCA
Outro problema importante ó que nos temos que enfrontar.
Inculcaremos valores: a vida honesta, o respecto pola vida, o amor ó próximo, o sentidiño...
- HAI TALENTOS QUE PENSAN MARCHAR Ó EXTRANXEIRO.
Un factor importante pode ser o afán de aventura na xuventude.
Eso forma parte da vida.
Pero tamén é moi importante:
- Que se sintan agradecidos coa terra que os viu nacer e medrar.
-Que recoñezan o que costou darlles unha boa formación para que traballen para mellorar o propio país.
- Que se sintan membros da comunidade que lles deu a vida.
- Que tomen conciencia de que son moi importantes.
- Que son fundamentais á hora de facer posible un mundo mellor.
Ese é un reto ó que temos que enfrontarnos seriamente para facelo posible.
- HAI MÁIS PROBLEMAS DE PAZ QUE NUNCA
Moitas son a persoas que sabemos que a paz é un ben moi prezado.
A verdade é que a todos nos gusta vivir en paz.
Todos amamos a paz.
Pero para que reine a paz debe reinar a xustiza.
Cando a inxustiza é moita: volvémonos constestatarios.
Con fortaleza e valentía farémoslle fronte ó que se nos presente.
- HAI MOITA FRIALDADE ESPIRITUAL.
O materialismo e o consumismo teñen obnubiladas as nosas mentes e os nosos corazóns.
Tomar conciencia de onde vimos e a onde imos é outro reto ó que temos que enfrontarnos canto antes, mellor.
Pero farémolo posible.
Volveremos ás raíces para desenrolar os nosos talentos a prol dun mundo máis humano
Faremos todo o posible para que a roda do progreso non se pare.
¡Somos valentes!
¡Farémoslle fronte!
"MERECE A PENA"
Este erá o título do seguinte artigo.
Moitas grazas por terme na súa consideración nesta ocasión.
Cachaza Platas, Mercedes
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora