Castelao rehabilitado

Houbo un acto, presidido por Pedro Sáchez, que repara a Castelao en toda a súa extensión. Se ben Castelao leva anos rehabilitado e dignificado na súa terra, é importante que o estado o recoñeza. Cabe lembrar que, democraticamente, a Castelao chamóuselle "xenófobo" e ninguén foi ao xulgado... debémonos aledar disto porque cando un burro ou burra ornea hai que ouvir pero xamais escoitar.

O certo está na fonte primeira: os libros de Castelao, non nas citas interesadamente manipuladas. En Castelao o retrato da diversidade é perfecto: as nais solteiras, a diversidade funcional, os vellos, a fidalguía decadente, as negras e os negros que traían de Cuba como escravos. É difícil lelo e non recoñecer nel un cronista da diversidade.

A quen o chama xenófobo quizais hai que terlle a piedade que se lle debe ao analfabetismo funcional. Aínda cando erguen exemplos de triste memoria como aqueles de 1492...

Castelao non necesitaba isto pero benvido sexa. Nós, os seus, seguimos bogando cara o mañá nunha barca de diversidade acolledora.