Cor diversidade

Dicía Quintín Cabrera que o negro tamén é fermoso e non todo o branco é trigo limpo. Entón quizais o máis humano e libertario sexa militar na miscelánea. Hai que recoñecerlle ao colectivo LGTBI+ o gran acerto do arco do ceo pero eu quixera ampliar ese arco a unha unión entretecida de todas as diversidades.

Esta unión levaríanos a posuír un patrimonio cultural, político, social, educativo e moral incalculable. Témolo preto pero tamén podemos tecer en liñas de rectitude uniformes de exclusión e hai idearios que promoven isto...

Todo está ao alcance da man pero unhas persoas sufriron máis que outras: cando os arrabaldes conquistan o centro cunha loita constante e lexítima merecen volver ser arrabaldes?

Na cor da diversidade tamén colle o gris pero o gris non representa a cor da diversidade...