A "gratitude colectiva" luguesa
miércoles, 07 de diciembre de 2022
A cidade de Lugo entregou, un ano máis, as súas medallas de ouro. Neste 2022 os galardóns recoñeceron: a Auxilia, á Sociedade Filarmónica, á escola Ramón Falcón, oCampus Terrae o querido Darío Xohán Cabana que nos deixou recentemente.
O primeiro é felicitar a todas as organizacións citadas na certeza de que esta medalla será un acicate para seguir traballando en Lugo, con Lugo, por Lugo e para Lugo.
O segundo é recoñecer un amor especial a dous dos galardoados: Auxilia e Darío Xohán Cabana. Dúas medallas que estou seguro que latexan no corazón desta cidade. Ao igual que Lugo estivo no centro do bo facer de Darío e de Auxilia.
O soño dun Lugo ceibe e inclusivo pasa, dende hai 50 anos, polos actos de Auxilia. Un soño que continúa pero que, quizais, teña os seu mellor estandarte no ascensor da muralla. Nel demóstrase que un monumento pode facerse accesible sen danalo.
En canto a Darío,falamos dun activista social e cultural que consagrou a súa profesión á cultura luguesa. Un home recto, coherente e aberto sempre a axudar, apoiar e colaborar con quen lle fixo falta.
É un pracer, como lugués, saber e sentirme parte destas grazas xustas, necesarias e imprescindibles.
Santalla, Iago
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
