Protección comercial

A entrada de España na Comunidade Europea fixo abatir moitas barreiras políticas, sociais e comerciais. E o noso Estado ten menos posibilidades de protección individual de industria e comercio, tendo que supeditarse ó que dispoña globalmente a comunidade, que se ben ten intereses de defensa xeral esta defensa non ten porque corresponder puntualmente co que a nós nos interesa en cada momento.

Temos os galegos a impresión dunha invasión china, que empezou hai tempo pola restauración e se consolidou con todo tipo de comercios que florecen en aras dunha suposta facilidade do goberno chino para a expansión dos seus súbditos no exterior, e na apertura que a nosa sociedade ofrece a todo emprendedor.

Por este e outros temas, mentras as vendas do textil galego no exterior se desplomaron nos oito primeiros meses do presente ano, cunha baixa de algo máis do trinta e seis por cento, o textil chino experimentou un incremento no noso país de arredor dun tres por cento.

A Comunidade Europea impuxo en 2005 determinadas restriccións ós productos que viñan de China sen que o seu efecto se fixese sentir. En Galicia, nos catro últimos anos, as importacións de textil chino pasaron de setenta e sete millóns de euros anuais ós douscentos millóns da actualidade.

A esto súmase o textil que ven de Marrocos, Portugal, de paises do Este e do resto de Asía.

Sabido é que Europa é quen goberna estes temas a alto nivel, e a Comunidade ten aumentado no que vai de ano arredor do douscentos por cento os permisos de importación de prendas chinas para a súa venda no noso país.

Ou non entendemos o que na Comunidade se entende por protección, ou alguén que saiba do tema debería explicárnolo con detalle.