Turismo sostible

Xurdiu esta semana en Compostela o debate sobre o turismo sostible. Se o habitante da cidade ve afectada a súa vida cotiá polo turismo este non é sostible e convídanos a pensar se queremos cantidade ou calidade.

Este é un debate moi complexo xa que non só afecta a Compostela senón a todo un Camiño que vive dun turismo que transformou radicalmente a súa economía. O que está claro é que tanto Compostela como o Camiño deben a súa fortuna a un feito cultural, polo tanto corren o risco de que un fluxo turístico máis deteriorado chegue a ser unha praga que dane o patrimonio.

Ás veces hai que elixir, nós temos calidade ao longo de todo o Camiño e tamén en Compostela e, aínda que a cantidade non sexa prescindible, si que é secundaria porque a fartura de hoxe non pode ser a fame de mañá.