O teatro é o espello da vida
e reflexa con susto rigor
a verdade, a esencia do pobo
en cada función.
Corren tempos de desesperanza,
Esta crise acaba con nós.
E se o mundo vai mal, o teatro
aínda vai peor.
Quen así fala é Paco, unha das personaxes de Annus Horribillis obra de teatro do grupo Chévere. O grupo de adultos da Escola Municipal de Teatro de Vilalba púxoa en escena no mes de xuño e voltará a representala na Mostra que dende hai ben anos celébrase no mes de outubro no Auditorio Carmen Estévez.
Hai dous anos a Concellalía de Cultura creou a Escola para canalizar as inquedanzas de moita xente amante do teatro e que desexaba achegarse a el dende bambalinas e non somentes como espectadores. E así naceo. E vai medrando pouco a pouco, porque cada ano a matrícula é mais elevada o que demostra o interese que desperta este mundo.
Teresa Castro está dende o principio impartindo unhas clases amenas nas que se traballa a voz, o xesto, o movemento... en fin, todo aquello que é preciso coñecer para poder sair a un escenario e transmitir ao público as emocións dos textos que se representan.
Como traballo de fin de curso do primeiro ano, Teresa propuxo A casa de Bernarda Alba, todo un reto ao que nos enfrontamos e do que saímos moi satisfeitas. Porque nós encargámonos da adaptación, do vestiario, da escenografía... e de superar os nervos de vernos diente dos nosos amigos e veciños.
Somos un grupo no que hai xente nova e outra non tanto, xente con moita experiencia neste mundo e outra recén chegada, xente con maneiras moi distintas de ver as cousas... pero todo isto o que fai é enriquecer as relacións entre nós. Porque por riba de todo prima o respeto e o amor ao teatro.
Xa está aberto o prazo para se matricular no curso que agora empeza. Imos vivir moitas vidas e ser moitas persoas distintas, porque o teatro lévanos máis alá do que podamos imaxinar. Ademáis, é unha maneira moi boa de desconectar das tarefas cotiás e pasar un bo rato en boa compañía.
