Opinión en Galicia

Buscador


autor opinión

Editorial

Ver todos los editoriales »

Archivo

Á beira do Camiño: ¡Outros xeitos de festas!

lunes, 22 de septiembre de 2008
Mellores e baratas. Compartidas e solidarias. Con participación colectiva. Só tres testemuñas das zonas de O Caurel, Os Ancares e Pedrafita do Cebreiro. Dannos leccións de senso común. Participación activa e leda das familias, dos veciños residentes e dos emigrantes. Todo iso con pouco gasto e menos consumo. ¡Festas, pensadas e organizadas, para todos e para todas!

Teixeira, no Caurel. Seis, agosto, 2008. Festa do ”Bo Xesús”. Patrón.avogoso contra o trono nunha aldea de 15 veciños que comparten vida/traballos ao redor dunha capela rehabilitada. Foron ramistas rapazas e rapaces unidos nunha asociación. Case todos viven e traballan fóra. Á hora de organizar as festas deste ano tiveron en conta o parecer/gusto dos pais, avós, e nenos. Algo do que se esquecen os ramistas das parroquias que se cren máis ricas.

Comezaron o ante día cunha queimada amenizada por un dúo musical na que participaron todas as persoas da aldea. Para o día grande convidaron ao grupo Buxaina (Terras de Ulloa). Un animado conxunto de gaiteiros e cantareiros/as que se prestaron a visitar todas as casas (agás as de loito) tocando a alborada e avisando da misa na que tamén participaron. De seguido, vermú orixinal no centro da aldea con cancións e bailes coa participaron de todos e todas... Ao vello xeito, os músicos foron convidados a compartir comida nas casas dos veciños. Polo serán, houbo unha animada sesión de xogos para nenos (carreiras de sacos) e maiores (a billarda) e concurso de bailes (xotas, muiñeiras e pasodobres) cunha sorprendente participación dos veciños e festeiros. Pola noite, tamén actuou un sinxela orquestra.

Rao, quince agosto, festa da Nosa Señora. Rao é a parroquia máis extrema do concello de Navia de Suarna, entre os Ancares de León e San Antolín de Ibias, Asturias. Comunidade que nos anos 60 tiña máis de 1.000 habitantes e hoxe non chega aos 100. Case todos se foron a Cataluña. Unha parte volve, cos seus fillos, no mes de agosto. E queren celebrar a festa con participación persoal e activa. Conscientes de que as orquestras só actúan á madrugada, residentes e emigrantes contratan un dúo de acordeóns (típicos desta zona próxima a Asturias) para amenizar misa, procesión, comida e compartir/revivir xeitos comunitarios antigos (que eles viviron) e que lles axudan a ser un chisco máis felices. Participan todos e todas en todos os actos que eles mesmos programan e, ademais, de pasalo moi ben, tráenlles lembranzas.

O Temple/Busnullán, 23 agosto, Pedrafita do Cebreiro. Festa da Auga e a Natureza. Ao carón do nacemento do Navia. Músicos, poetas e amigos de Vigo, A Coruña e Lugo, xunto cos veciños do Val de Connavia, comparten pasa/rúas polas aldeas antes de se xuntar nun prado para participar na Misa campestre, na abondosa comida de irmandade (106 persoas, vellos, mozos e nenos, compartindo pescado do mar e carne/pan da montaña) seguida dun fermoso e amplo recital poético/musical en homenaxe á Auga, á Natureza e ao poeta de Paradela, Manuel Rodríguez López, brindos, cancións, e bailes populares. Sen lume, sen foguetes e sen orquestras. Os grupos de gaiteiros “Vento Mareiro” (A Coruña) e “Rías Baixas” (Vigo); os solistas Raúl Galego (A Coruña) e Jesús Galán (O Caurel, tamén poeta); Suso Espín (Doncos) con acordeón; Carlos, neto do Poeta de Paradela, Delio da Limia ( Ourense) e o cantautor Tino Baz que non quixo perder esta festa. Todos gratis, claro está. Como poetas e recitadores, actuaron Xosé Carballo (Pontevedra) Lourenzo Toldaos (O Incio), Marcial González Vigo (Lugo) Santi Rodríguez, a súa dona Mari Otero, a mestra Alicia e varios cantores e brindeiros da Zona. Poemas de Novoneira, Marica, Fiz, J. Parada e os clásicos, ¡Día inesquecíbel!

¡Comparen este xeito de celebrar co que analizamos (e mesmo criticamos) a pasada semana. Coido que aquí está presente a ledicia, a participación e a vida dos nosos antepasados.
Mato, Xesús
Mato, Xesús


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania