Opinión en Galicia

A IRMANDADE DOS VINHOS GALEGOS, perante a situaçom mediática em que se encontra, nomeadamente, a restauradora com prestígio nacional e internacional, TOÑI VIENTE assim como outros arguidos, MANIFESTA a sua profunda preocupaçom, polos danos que se lhes estám a ocasionar contra a sua pessoa, a sua honra e a sua actividade profissional, por terem adquirido vieiras, ao parecer, nom aptas para o consumo.

A IRMANDADE, como cliente, amiga e admiradora, considera que a trajectória de Toñi Vicente sempre tem sido reputada por trabalhar com os melhores produtos galegos, o seu éxito empresarial e a sua profissionalidade tem sido reconhecida com a concessom de numerosas estrelas e prémios durante a sua dilatada vida dedicada à cozinha galega.

A IRMANDADE quer chamar a atençom porque a gastronomia galega está a ser denigrada, utilizando como único nome e imagem pública, o de um dos seus paradigmas mais importantes. Por todo isto, enquanto nom houver sentença e nom finalizarem todas as actuaçons encaminhadas a dilucidar e esclarecer a responsabilidade dos arguidos, nom deve ser posto 'na picota' todo um sector digno de reconhecimento.

A IRMANDADE lamenta que nom se tivesse advertido e informado, no que diz respeito ao deficiente estado sanitário das vieiras, e que nom se tivessem tomado medidas radicais por parte dos organismos e autoridades implicadas, para salvaguardar a saúde das pessoas e para evitar o escándalo social e o prejuicio para sectores como o marisqueiro e hosteleiro, base e sustento de tantas famílias galegas.

Ante esta situaçom, a cozinha e o marisco galego estám baixo suspeita, estám a ser agredidos por umha acçom mediática que a IRMANDADE considera desmesurada, por isso fai um apelo à sensatez, à defesa da imagem e da honra dos arguidos, especificamente a de Toñi Vicente, que parece ser a única pessoa cuja imagem aparece reproduzida em todos os meios de comunicaçom.

A IRMANDADE, firme defensora da gastronomia, da cozinha e dos vinhos galegos pede a máxima prudência e respeito, pois que se está a produzir muito dano a todo o sector extractivo-distribuidor-processador-hosteleiro e vai ser difícil restaurar-lhe o bom nome que sempre tivo e deve ter nos âmbitos nacionais e internacionais.