A Xosé Manuel Lobato

Do Pico Sacro, firme namorado.
Coñecedor profundo das súas lendas.
O seu amor é nobre, sen prebendas,
a ese Pico por el tan admirado.

Nun libro, "Pico Sacro" titulado,
dos nosos Clásicos hai textos éditos
sobre o Pico, e tamén textos inéditos.
Un libro-xoia para ser lembrado.

Clásicos... e tamén os que aquí andamos
escribimos en prosa ou en poesía
no "Pico Sacro", que, igualmente, amamos.

Miro Villar e ti,con ardentía,
coidastes a edición. E nós coidamos
que este humilde soneto merecía.


Os Tilos, 15/Novembro/2021