Maneiras de vivir

Vendo o programa da TVG A miña familia pola túa, aparte de pásalo ben, un dáse conta de que cada fogar é un mundo e que realmente quen convive e quen máis coñece á persoa porque está nunha intimidade na que aflora o bo e o malo e o verdadeiro cariño nace cando se acepta á persoa tal e como é. Vin amizades que semellaban para toda a vida romperse despois de compartir a fonda ilusión de ir vivir xuntos. Vin pisos estudantís nos que tiven envexa da liberdade e ao mesmo tempo non quixera vivir con determinados costumes.

A miña familia pola túa amosa unha realidade que desminte a verdade oficial: a familia tradicional non existe porque cada familia é unha unión de persoas únicas e irrepetibles. Polo tanto, é algo auténtico, de tal xeito que non hai dúas iguais. Por iso, é tan difícil acoplarse a outra familia e a outra intimidade.

Isto é algo que sabemos moi ben os usuarios e os asistentes persoais, que cada vez que asumen un novo usuario ou usuaria teñen que aprender as súas costumes e adaptarse ao seu ritmo.

É bo empezar a ver toda a diversidade persoal que se oculta nas persoas e na colectividade. É bo recoñecer que hai moitas maneiras de vivir e o único absurdo e fora da realidade é iso que chaman "tradición" e que só saben tecer en liña recta. Quizais, non se enteraron de que ata deus escribiu en filas tortas...