A Xesús

Un cravo nunha man; outro, na outra;
outro nos pés, e unha coroa de espiñas.
Cara á entrega total, Xesús, camiñas
co aquel burlesco INRI, que aqueloutra.

Eu, o mesmo que Pedro, querería
que non foses, Xesús, crucificado.
E "aparta, Satanás" bérraslle irado,
que os designios de Deus non entendía.

Coido que es Camiño de xustiza,
que "a ninguén explotar" é a túa Verdade,
que a Vida só no amor se patentiza,

Que na fe no Evanxeo, a eternidade
da túa resurrección nos enfeitiza
na fonda fame de inmortalidade.

Os Tilos, 1 de abril (Xoves Santo) de 2021.