Sorte para todos

Estamos empezando un curso escolar cheo de posibilidades e tamén de incertidume.
Pero a vida segue e temos que seguir o noso proceso vital según nolo permitan as nosas circunstancias.

Tempos atrás por estas datas falábase moito do gasto que supoñía a volta ó colexio; agora comprendemos que o gasto económico. sendo algo importante, non é o máis preocupante.

A ECONOMÍA É IMPORTANTE, MOI IMPORTANTE; PERO O MÁIS IMPORTANTE É A VIDA.

Non cabe dúbida que as criaturas teñen que seguir o seu proceso formativo; pero…
¿Existe algunha fórmula para que as criaturiñas poidan estar seguras de non contaxiarse?
Penso que non.
Nin no colexio nin fóra del.

Xa estamos vendo a facilidade coa que se propaga a “infección do século” nos adultos…
¡Ogallá non se propague na xente nova!

Desexo moitísima sorte para todos:

-SORTE PARA A INFANCIA que vai ter que tomar moitas precaucións e aínda así…
¡Son nenos!
(Aínda os maiores nos pasamos…)

-SORTE PARA AS FAMILIAS que van ter que loitar en máis frontes que nunca.
¡Que non lles decaían os ánimos!

-SORTE PARA O PRFESORADO que aínda multiplicándose vai ter que rearmarse da súa excelsa vocación pedagóxica.
Terían que duplicarse o número de aulas e o número de profesores.
O presuposto do país ten outras prioridades...

-SORTE PARA AS EMPRESAS que verán mermada a súa producción e van ter que facer fronte a moitos máis problemas.

-SORTE PARA OS TRABALLADORES que lles vai facer moita falta para pode levar un bocado de pan á boca.

-SORTE PARA OS SANITARIOS que se van sentir entre a espada e parede ante tanto mal.
¡Que se coiden para poder coidarnos!

-SORTE PARA OS PENSIONISTAS que por razón de idade son as persoas máis expostas a calquera contratempo.

En fin: OS PROBLEMAS ESTÁN SERVIDOS; PERO CADA PROBLEMA DEBER TRAER CONSIGO A SÚA SOLUCIÓN.

O certo é que imos intentar saír desta da mellor maneira posible.
Teremos que ir convivindo coa situación tomando tódalas medidas ó noso alcance mentres non apareza un remedio.
Tempos atrás dicíasenos que había que apreta-lo cinto.
Agora chegou o momento de facer máis cálculos que nunca; pero farémolos.
FARÉMOLOS E SABEREMOS PRIORIZAR QUE É O VERDADEIRAMENTE IMPORTANTE NA VIDA:

-APRENDEREMOS por necesidade a ser solidarios, a axudarnos mutuamente, porque todos nos necesitaremos.
-APRENDEREMOS a gastar o xustamente necesario sen derrochar.
-APRENDEREMOS que se pode ser feliz con menos cousas e con máis amor entre nós.
-APRENDEREMOS o valor dos centros educativos, o dos hospitais e dos servizos públicos en xeral.
-APRENDEREMOS a valorar como se amañaron os nosos antepasados pasando moitas estreituras.
-APRENDEREMOS a valorar o bo da vida.
-APRENDEREMOS que é máis importante “SER” que “TER”.
Non nos vai quedar outra.
E SE TEMOS A SORTE DE SAÍR CON BEN DESTA, SENTIRÉMONOS UNS AFORTUNADOS, DAREMOS GRAZAS E EXPERIMENTAREMOS O GOZO DE VIVIR.

“O GOZO DE VIVIR”
Este será o título do seguinte artigo.
Moitas grazas por terme na súa consideración nesta ocasión.