O ego dos imbéciles

Hoxe é mércores 8 de xullo, 11h da mañá. Estou a ver en telecinco o seguinte suceso: un vídeo no que se ve a un home apuñalando a súa parella diante do seu fillo nunha rúa de Guipúzcoa.

A escena é dantesca e ponnos negro sobre branco a violencia de xénero que moitos negan; pero o peor do caso é que a gravación está perfecta e ninguén socorre nin á nai nin ao pequeno que intenta con todos os seus medios parar ao agresor e pedir axuda.

Mentres todo isto sucede, unha persoa está absolutamente centrada en sacar a gravación adiante. A pregunta é: imos cara ao chou de Truman? , Estamos dispostos a deshumanizar a sociedade ata este nivel? Que clase de valores colectivos temos?

Fai falla moita ética e, se cadra, nos medios de comunicación está o culto (nunha minoría) ó cabalo de Atila que non a deixa medrar.