Foz: Nin porto nin Pac

Nalgún intre os responsables autonómicos do sector aventuraron que o futuro turístico
da Mariña -amén das praias e a riqueza cultural e paisaxística- basearíase nas actividades lúdicas e deportivas, entre as que sinalaban a náutica e o golf, ou mesmo a caza maior. Nese momento fumos conscentes das nosas carencias, e polo tanto do
desamparo que padecemos para afrontar o reto que se vaticina; daí que xurdise a
inquedanza pola situación e se incrementase e actualizase a xa vella aspiración de
contar con un porto deportivo; pero sabemos todos que sen unhas instalacións fora da
ría endexamais Foz o terá. As declaracións dos políticos tiveron sempre un senso
mais engaiolante que resolutivo; mais para a galería que coa intención real de
afrontar a solución pois hai algo indudable: os responsables de Portos non están polo
labor. Así, con esa contundencia, o dixera a este cronista hai un par de anos, o que naquel entón presidía o organismo, o Sr.Irisarri, en ocasión na que compartimos mesa e manteis. Naturalmente dende Foz, dun xeito ou doutro, seguíuse insistindo no tema.

Hai pouco quen herdou o cargo do Sr. Irisarri estivo en Foz. O señor alcalde convocou
unha reunión con él, á que fumos convidado e naquel acto falounos de cómo Portos ía a
reparar as instalacións existentes para a súa conservación, e no caso de Foz dragar a
dársena, actuación da que se leva falando non sabemos o tempo qué, así como lograr a
ampliación de plazas de amarre posibles nos portos actuais, e o bó do señor, no seu
parlamento, para nada se refiríu ó problema de Foz; é decir ó dun pobo que suspira por
un porto deportivo, tan necesario para o seu desarrollo como lugar de turismo, aínda que ninguén dubida da súa preponderancia neste eido e de que, como él mesmo sinalou, as plazas existentes a nivel comarcal (Ribadeo e Viveiro) están esgotadas e que por causas naturais non son ampliables as instalacións. Ante tal mutismo, para nós
decepcionante pois esa podería ser a razón da xuntanza, lamentamos que volvéramos ó
de sempre: as migallas dunhas actuacións, mais ou menos as mesmas que viñeron
prácticándose ó longo da historia, que nunca resolveron o problema, e polo tanto
expresamos a nosa desconfianza de que servisen para algo. Alguen non tivo o mínimo
reparo en acusarnos pouco menos que de intento de boicot á reunión…

Lemos hoxe no xoral: “O plan director de Portos (do que tamén falara o señor Presidente, deixando no ar falsas espectativas) non ve necesario novos muelles… “Ista é a única verdade; calquera outra versión é pura demagoxia; ou sexa, mentira.¿Cándo se vai erradicar esta forma de estar na política?¡ O PAC e o porto van no mesmo lote!…