Opinión en Galicia

Buscador


autor opinión

Editorial

Ver todos los editoriales »

Archivo

En memoria de Xosé Manuel Carballo

viernes, 08 de junio de 2018
En memoria de Xos Manuel Carballo
Esta xa non é a túa pena.
Tampouco debería ser nosa tanta sombra,
tanta noite vertida na copa do adeus.
Que morte non nos mata ao vela desde a beira de aquí,
desde esta marxe onde todo remata en fume e cinsa?

Quen cerra os ollos devén memoria e vive
para nós no recordo, para Deus, noutra arxila
celeste e luminosa que substitúe o barro quebradizo.
Teu é todo o esplendor, o desamparo é todo noso.
Talvez, cal nós, outrora sentícheste vivir nun labirinto;
porén ti atinaches coa saída cara ao colo do Pai
onde a paz é unha música amorosa,
un pacto coas estrelas e o infinito.

Irmán, Xosé Manuel, non che faremos pranto,
cómpre falar da vida, do agromar da semente,
da túa xenerosa andaina polos días.
Amaches a ilusión, coma un pan repartíchela
mesmo cando a existencia cha roubaba a dentadas.
Esa é a túa herdanza, a palabra de humor
a exorcizar as mágoas, ás veces o silencio,
o tenaz desafío ás leis do desacougo.
Non, non che faremos pranto.
Diremos o teu nome por descifrar o enigma,
aquel que esconde a chave do regreso imposíbel.
Irmán, Xosé Manuel, non, non che faremos pranto.

(Poema que Marica Campo leu no decurso do acto no que se lle deu o nome de Xosé Manuel Carballo ao Centro Cultural de Castro de Rei).
Campo, Marica
Campo, Marica
ver todas


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PUBLICACIONES