Opinión en Galicia

Estamos na recta final do tema político máis importante de 2007, se atendemos ós calendarios establecidos, que veñen ser as eleccións municipais que decidirán os gobernos máis inmediatos a nós para os próximos catro anos.

Certo que pode haber no decurso do ano outros temas que inopinadamente xurdan atraendo a nosa atención, pero en principio as eleccións municipais marcan a vida deste 2007, e estamos vivindo as últimas horas dunha loita que debera cinguirse ás dúas semanas de campaña, pero en realidade dura exactamente catro anos, e o próxino luns comenzará a seguinte.

Nesta guerra onde o sangue que se derrama son verbas feitas promesas, enquisas e sorrisos, haberá varios Waterloo e algún Medulio, e haberá victorias que serán pausa para os vencidos e acceso á gloria para os vencedores, fume en fin.

Pero esa fumata, negra ou branca segundo quen a reciba, hoxe é misterio para a maioría, e os votos do domingo decidirán vidas e facendas, erguerán fortunas e partirán familias.

Así foi ata agora e así será no inmediato futuro. Cambiarán nomes para que nada cambie. Son cinco días para refacer o noso mundo. Pero non xurdirá un mundo novo, porque nós, e os que veñan, seremos os mesmos.