¿Deben primar os beneficios económicos sobre os dereitos dos animais?

Estamos acudindo últimamente a un debate cunha enorme transcendencia social sobre a prohibición do campeonato do tiro ao pombiño en A Toxa. Os defensores de tamaña barbaridade (lembremos que a “diversión” consiste en disparar contra indefensos pombiños que son ceibados das súas gaiolas para recibir perdigóns por parte de seres humanos) esgrimen na súa defensa tremendas perdas económicas para o sector da hostelaría se a prohibición continúa.
Desde a Asociación pola protección animal ABEIRO solicitamos do goberno galego que manteña firme a prohibición do campeonato, sen dar solucións alternativas de traslado do mesmo a outro lugar. A responsabilidade do control e coidado dos animais é das institucións, e son estas quen deben aportar solucións e dar exemplo á cidadanía, e non alentar aos defensores de calquer tipo de espectáculo que cause sufrimento, tortura e morte a ningún animal; neste sentido, criticamos as palabras do presidente Touriño asegurando que o certame terá finalmente lugar en Ogrobe, e animámolo a que rectifique pois os actos crueis cometidos contra os animais inculcan unha cultura de violencia e crueldade que desde Abeiro non desexamos para esta sociedade, e desexamos que o presidente Touriño tampouco.

Ao mesmo tempo chamamos ao colectivo de hostelaría de Ogrobe a que reflexione sobre o tema, e se realmente paga a pena os supostos beneficios económicos que a morte de animais indefensos suporía para a localidade. O Salnés ten suficientes atractivos para que a xente se achegue a disfrutar de todo o que ten que ofrecer sen necesidade de que ningún animal sufra.

Para rematar gustaríanolo facer coas palabras do premio nobel José Saramago “ Un animal non pode defenderse; se disfrutas coa dor, se disfrutas coa tortura, se te gusta ver como está sufrindo ese animal...entón non es un ser humano, es un monstro”

Presidenta Asociación pola protección animal Abeiro