Opinión en Galicia

Buscador


autor opinión

Editorial

Ver todos los editoriales »

Archivo

Manuel Rodríguez, de novo en Barcelona

viernes, 17 de octubre de 2014
Aínda que o poeta Manuel Rodríguez López nunca se foi de Barcelona, nin da memoria dos galegos que o coñecemos e tratamos, o pasado sábado día 11 volveu nun memorial itinerante que percorreu varias cidades galegas e foi acollido polo Centro Galego de Barcelona, a súa casa natural, vivencial e emocional do poeta que agora acolle unha exposición de fotografías da súa vida, coa súa familia e varias autoridades das letras galegas, así como puntuais documentos que nos fan reencontrar cun autor en verso e prosa, que expresou e matizou destinguidos encontros co agromar esencial de Galiza.

Unha exposición pedagóxica e, aínda iniciática, para un diálogo co poeta que nos sirve de extensas referencias, no humano e no existencial, que se clarifica nese portento fotográfico que nos dá a medida dun peregrinaxe por varias instancias da vida e do bo facer dun poeta que non podemos ignorar. Digo isto porque esta Galiza, metida en tantos transos, acostuma a esquecer persoas publicas e implicadas no ben común, na cultura e na defensa dos galegos, como é o caso de Manolo Rodríguez López.

Na inauguración desta exposición estivemos os que quixemos estar co sentimento en recendo de flor de alborada, outros non cabían. Así o salón de actos do Centro Galego estivo rebordado dun público que o coñeceu e que aínda perdura a saudade desa ausencia que deixan os “bos e xenerosos”; os implicados na causa da galeguidade e na defensa do propio.

Os que participaron nas palestras (presidida por Irene, a súa viúva e coa presenza dos seus fillos Enrique e Santiago) clarificaron varios elementos moi puntuais e necesarios para entender a Manolo Ródriguez López, desde a destacada introdución de Xulio Xiz á figura de Manolo, do presidente do Centro Galego e de Valentín García, Secretario Xeral de Política Lingüística da Xunta de Galicia. Non faltaron as evocacións enviadas polo presidente da Real Academia Galega, Xesús Alonso Montero, e do alcalde de Paradela.

Non podemos entender a emigración galega en Cataluña sen o soporte difusor de Manolo, nesa crónica convertida en libro que nos descubre o potencial galego en diversas profesións, intelectuais e académicos en Cataluña. Ou esoutra participación da vida barcelonesa feita á medida dos galegos.

Manuel Rodríguez López foi un traballador da palabra e da descuberta de temas populares, como as realidades e vivencias da xente de aldea, da súa Paradela natal. A Paradela telúrica e ancestral, por onde o río Loio, en súas viravoltas, describe unha paisaxe humanizada, onde o home non é orfo de súa permanencia como creador de cultura e de país.

Lembramos, con entusiasmo, ao Manolo bulidor e nunca quedo que nos deixou libros sobre o seu andar e ver, ao lado de Ánxel Fole. Outra panorámica humanista sobre o grande escritor lugués, por diversas terras de Galiza que nos veu da escrita do escritor de Paradela. Un libro de itinerancias, onde o traballo de campo, in situ, testemuña esa elocuencia dun autor que continúa presente en Barcelona e en tódalas xeografías galegas.
García, Xosé Lois
García, Xosé Lois


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania