Amores duradeiros, amores efémeros
viernes, 14 de febrero de 2014
Hai santos / santas ben milagreiros, eles, curan aos enfermos, fan que os crentes os admiren con devoción
, pero, o máis milagreiro de todos é o noso querido San Valentín. El teno ben merecido, sen dúbida.
Nada máis chegar o mes de febreiro andamos todos a falar del, que se unha rosa, que se un perfume
, unha braga vermella
, pero, ao santo ninguén lle poñemos unha limosna no peto ou un ramo de flores no altar para que o cheiro lle alegre o día.
De repente, todos nos sentimos namorados, aínda que algunhos nin tan sequera teñamos parella con que compartir o amor. Hai quen se namora do gato, do can, do paxaro que o esperta cantándolle de mañanciña
, da muller do veciño, aínda que sexa só no seu maxín
Si, istos días falamos moito do santo, pero, mentres tanto, o noso sentimento vai por dentro; andamos co corazón aberto, pensando na persoa, ou no gato ao que amamos tanto. Moito de facundia e pouco de sentimento sincero
, o caso é aparentalo, deixar que siga o conto, que o día chegue pronto, para xuntarnos con quen máis amamos.
Eu, non son moi dado a regalar rosas polo San Valentín, murchánse moi axiña e con elas esváese o amor efémero que con aroma de rosa, dura menos ca unha bolboreta no tecido dunha araña. Tampouco a prenda vermella me gusta como regalo, deixa o corpo moi espido
si, moi atractivo
, pero, deixa pasar o frío e con el o amor pode sentirse ferido.
A min gústame máis regalarlle unha mirada sincera
, compartir con ela a ilusión do día
, dicirlle sen fantasías o que sente o meu corazón
, recibila cunha aperta acendida en calor, sen esquecerme dela, despidila con amor
Pois nada, con rosas o usen elas, que cada quen faga polo seu amor, o mellor que lle pidan os seus sentimentos, que o comparta con lealdade
, que lle dure ata o infinito.
Puente Rico, Amador
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora