viernes, 17 de mayo de 2024
Nota de prensa remitida por el Gabinete de Comunicación de la Xunta de Galicia:
O presidente do Goberno galego, Alberto Núñez Feijóo, deu conta do visto e prace por parte do Consello da Xunta ao texto do Decreto que crea e regula o Censo de Vivendas Baleiras. Texto que segundo informou, será trasladado agora aos axentes sociais e económicos para que formulen posibles alegacións e que posteriormente será remitido ao Consello Consultivo.
Trátase dun Decreto que obrigará a inscribir no Censo todas as vivendas baleiras que se atopen en concellos de máis de 10.000 habitantes e sexan propiedade de entidades de crédito ou similares. E permitirá inscribir de forma voluntaria as vivendas que estean en concellos de menos de 10.000 habitantes e as do resto de propietarios de vivendas baleiras.
Nese senso, Feijóo explicou que coa creación deste Censo, o Goberno galego poderá dispoñer de información adecuada sobre o parque de vivendas baleiras de Galicia para realizar unha mellor planificación social da política de vivenda. Tamén indicou que o incumprimento da obriga de inscrición suporá unha sanción de ata 3.000 euros por inmoble.
Segundo o presidente da Xunta, o obxectivo deste regulamento é dobre, xa que por unha banda, pretende facilitar a incorporación ao mercado dos inmobles baleiros das entidades financeiras, e por outra, trata de promover a súa participación nas políticas sociais de vivenda.
Ademais, o mandatario galego lembrou que esta actuación está integrada no decálogo de medidas que se puxeron en marcha, en materia de vivenda, para garantir o acceso de todos os cidadáns a un teito, axudar aos que máis o precisan e acabar cos desafiuzamentos. Entre as que se atopan: o programa de realoxo, o programa Reconduce, o plan RehaVita ou o Bono aluguer social.
Por últimoinformou Feijóoo Decreto tamén establece diversas medidas para fomentar o uso das vivendas baleiras, como a inclusión das vivendas nos programas de fomento de aluguer, a posibilidade de concertar arrendamentos ou mesmo compras, a oferta desde a Xunta para a vivenda ou a posibilidade de lograr acordos cos propietarios para que as vivendas atendan as persoas afectadas por desafiuzamentos.
Cada galego reciclou o ano pasado unha media de 30,3 quilos de envases domésticos lixeiros e de papel-cartón, o que supón un incremento de case un 3% respecto ao ano anterior. Estes datos enmárcanse no traballo conxunto desenvolvido nos últimos anos pola Xunta e Ecoembes (organización sen ánimo de lucro que coordina a reciclaxe dos envases domésticos en todo o país) para mellorar o depósito, recollida e posterior recuperación deste tipo de residuos no conxunto da comunidade galega. Segundo os datos correspondentes ao ano 2023, en Galicia recuperáronse un total de 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de latas e outros envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
