sábado, 24 de octubre de 2026
Nota de prensa del Gabinete de Comunicación del Concello de Santiago de Compostela:
O alcalde de Santiago volveu expresar o seu respaldo e o do Goberno compostelán ás mobilizacións dos gandeiros galegos, que poñen en marcha unha nova campaña para reivindicar un prezo xusto para o leite. Por iso, Martiño Noriega acompañou hoxe nunha rolda de prensa no Pazo de Raxoi aos representantes da Plataforma en Defensa do Sector Lácteo Galego. Óscar Pose (Unións Agrarias), Anxo Escariz (Organización de Produtores de Leite) e Tomás Díaz (Organización Rural Galega) deron conta do calendario de mobilizacións que van levar a cabo nas próximas xornadas.
A Plataforma en Defensa do Sector Lácteo quere que os consumidores coñezan cal é a situación real que atravesa o sector. Por iso, hoxe estivo repartindo folletos informativos diante do Centro Comercial As Cancelas, no que se sinala que os gandeiros seguen percibindo unha media de 28 céntimos de euro por litro de leite, unha cifra que se sitúa por debaixo dos custos de produción. Iso é así, explican dende a Plataforma, "malia o acordo asinado hai dous meses en Madrid, e malia a que os consumidores están pagando algúns céntimos máis polo leite que compran, unha suba que non se lle trasladou aos produtores".
Os representantes da Plataforma confían en que as administracións directamente implicadas no conflito do leite teñan en conta as súas reivindicacións. De non ser así, non descartan novas mobilizacións, que irían dende boicots ás distribuidoras que seguen mantendo as súas condicións abusivas para os gandeiros ata novas tractoradas.
Ademáis de en Santiago, a Plataforma en Defensa do Sector Lácteo prevé presentar as súas accións reivindicativas nos concellos da Coruña, Ferrol, Pontevedra, Vigo e Lugo.
Fotografía: archivo.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
