viernes, 26 de abril de 2024
Nota de prensa del Gabinete de Comunicación del PPdeG:
Alberto Núñez Feijóo, que participou no acto de entrega dos Premios do Deporte Galego 2014, onde se rendeu homenaxe a David Cal, anunciou que o campo de regatas de Verducido levará o nome do deportista olímpico.
Feijóo comezou a súa intervención dándolle as grazas a David Cal en nome de todos os galegos: por levar o piragüismo ás portadas, demostrando que, con homes e mulleres grandes, non hai deporte pequeno; por pasear orgulloso os nomes de Cangas e Galicia por todo o mundo; e por sen quen es, un exemplo para todos, especialmente para os máis novos.
No tocante aos premiados, o presidente da Xunta tivo palabras de recoñecemento para Javier Gómez Noya, outro galego universal, que este ano repite distinción con todo merecemento; e salientou os logros de Vanesa Sotelo, Andrea Ferreiro ou Jaime de Haz e dos equipos como os que forman Alejandra Suárez e Helena Pérez ou Carlos e Antón Paz.
Así mesmo, destacou que deportistas como Susana Rodríguez ou Álex Vidal, e institucións como o Club Baloncesto AMFIV ou a Fundación María José Jove, demostran que o deporte é unha fábrica de valores, un fornecedor de oportunidades para unha sociedade que ten a obriga de protexelo e fomentalo.
Feijóo destacou tamén o traballo do adestrador de halterofilia Ferenc Szabo e do árbitro de balonmán Alberto Rodríguez, o labor informativo de Javier Ferreiro e o patrocinio deportivo de Frinsa.
O titular da Xunta concluíu salientado que, hoxe en día, Galicia é moito máis saudable: Sómolo xa desde pequenos, aproveitando o labor que realizan as escolas e os clubs de base, entre os que este ano destacaron o CEIP Virxe da Pena da Sela e o Club Carmelitas Vedruna. E, sómolo no noso tempo libre e por iso participamos en eventos cada vez máis multitudinarios como O Marisquiño ou o Circuíto Ribeira Sacra de Carreiras Populares, aseverou.
A Cidade da Cultura reunirá estes días as persoas representantes dunha vintena de linguas minoritarias de Europa. Será durante a asemblea xeral e a conferencia anual da Network to Promote Linguistic Diversity (NPLD), unha organización de ámbito europeo cuxa finalidade é promover a diversidade lingüística na UE. Entre os seus membros figura, desde a súa creación, a Xunta de Galicia, que, a través da Consellería de Cultura actúa como anfitrioa nos eventos de 2024. Na xornada trataranse os asuntos que atinxen á administración da organización e presentaranse varios informes.
A Xunta vai solicitar de xeito inmediato ao Goberno central o traspaso dos medios materiais e persoais para xestionar a súa costa trala sentenza do Tribunal Constitucional que avala a Lei de ordenación e xestión integrada do litoral de Galicia. A conselleira de Medio Ambiente e Cambio Climático, Ángeles Vázquez, respondeu unha pregunta no pleno do Parlamento sobre esta materia na que salientou que o Alto Tribunal certifica que a norma galega é plenamente constitucional. Ademais, subliñou, confirma o que sempre defendeu a comunidade, que non é necesario reformar o Estatuto de Autonomía para que Galicia poida exercer plenamente as súas lexítimas competencias sobre o litoral.
