domingo, 1 de noviembre de 2026
La Editorial Galaxia dice que esta publicación constituye "un acontecimiento" para la literatura gallega, que "implica poner al alcance de los lectores un libro referencial que ya fue soñado en su día en gallego por los miembros de la Xeración Nós". Galaxia ha recordado que el propio Otero Pedrayo publicó en 1926 algunos capítulos en gallego del Ulises en la revista Nós. Para la edición en gallego de una de las grandes obras de la narrativa contemporánea, el equipo de traducción trabajó durante ocho años bajo la coordinación de Carlos Lema, director de ediciones de Galaxia.
El lanzamiento editorial de este volumen se celebrará con una oferta de preventa, con la que todos los interesados podrán beneficiarse de un descuento sobre el precio de venta del libro enviando un correo electrónico a la dirección [email protected].
Nota de prensa publicada por la Editorial Galaxia:
O proxecto de tradución e publicación de Ulises insírese na colección Clásicos Universais, que presta atención especial ás obras fundacionais da tradición literaria contemporánea. A novela de James Joyce é unha das obras que inician a tradición literaria moderna, fundamental para o desenvolvemento non só da narrativa senón da propia concepción da literatura a partir do primeiro cuarto do século XX. A súa influencia nos autores posteriores é indubidable, tanto no que se refire á transformación que supuxo respecto da maneira de narrar (citemos, por exemplo, a stream of consciouness ou corrente de consciencia) como no repertorio de formas literarias, coa incorporación dun abano de rexistros que van desde a lingua coloquial ás referencias á cultura grecolatina, sen esquecer a transformación da idea de novela, na que o Ulises marcou o paso da novela decimonónica á novela moderna.
Trátase, pois, dunha das obras que calquera lingua e cultura con tradición literaria debe incorporar mediante a tradución, polo que a súa publicación en galego é necesaria tendo en conta a súa importancia na configuración do repertorio de formas literarias e na cultura de hogano.
Ulises, unha obra de grande complexidade textual, tamén require un traballo de tradución e revisión demorado e complexo e, polo tanto, un equipo de tradutores meirande ca calquera edición normal dun texto literario.
Desta tradución que publicará Editorial Galaxia encargáronse catro tradutores de perfil complementario: María Alonso Seisdedos, tradutora e correctora editorial con grande experiencia, actualmente é cotradutora das novelas de Orhan Pamuk para o galego; Eva Almazán, tamén tradutora profesional, traduciu, entre outros moitos autores, a Paul Auster, Edgar Allan Poe ou Martin Amis; o escritor Xavier Queipo, un dos autores que desde a década de 1990 representan a renovación da narrativa galega actual, e Antón Vialle, tradutor e intérprete que realizou, xunto a María Alonso Seisdedos, a tradución de A cea, de Herman Koch, primeira novela traducida do neerlandés para o galego.
A novela de James Joyce foi publicada en París en 1922 pola librería Shakespeare and Company. Joyce emprega no Ulises, á parte da corrente de consciencia, a parodia, os xogos de palabras e unha variada e ampla gama de técnicas narrativas. A novela desénvolvese durante un único día, o 16 de xuño de 1904, na cidade de Dublín. Conserva, dese xeito, un paralelismo coas unidades clásicas de tempo, lugar e acción. De aí que ese paralelismo se estendese dos personaxes da Odisea de Homero aos do Ulises: Leopold Bloom representaría o moderno Ulises, a súa muller, Molly Bloom, sería a Penélope do século XX, e Stephen Dedalus, Telémaco.
Estamos a falar dunha obra fundamental na historia da literatura, tamén na da literatura galega, na que cómpre lembrar o texto Dedalus en Compostela, de Vicente Risco, referencia clara a un dos protagonistas do Ulises e primeiro intento de incorporación da obra de Joyce á literatura galega, e o feito de que Ramón Otero Pedrayo traducise e publicase, na revista Nós, uns fragmentos da novela xa no ano 1926, reeditados hai uns anos por Galaxia na colección Illa Nova.
Así e todo, a novela de Joyce nunca foi traducida integramente para o galego, coa súa publicación a fins deste ano quérese achegar aos lectores de hoxe unha tradución baseada nas máis recentes edicións críticas da obra de Joyce, nun galego actual e coidado que axude a coñecer mellor un patrimonio literario que xa os membros da xeración Nós consideraron indispensable incorporar á nosa literatura.
Fotografía: http://www.editorialgalaxia.com/weblog/?p=19953
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
