viernes, 9 de octubre de 2026
Nota de prensa remitida por el Gabinete de Comunicación de la Xunta de Galicia:
O director xerente do S.A. de Xestión do Plan Xacobeo, Ignacio Santos Cidrás, asiste no Metropolitan Museum of Art of New York (MET) ao acto de presentación dun proxecto didáctico e divulgativo que inclúe unha maqueta virtual da Catedral Románica de Santiago e a súa contorna no ano 1211. Na súa intervención, Ignacio Santos abordará aspectos como o significado de Xacobeo 2010 ou a conmemoración do VIII Centenario da Consagración da Catedral Románica de Santiago de Compostela que se celebrará o vindeiro ano.
Nesta sesión, que se celebrará no auditorio principal do MET (The Grace Rainey Rogers Auditorium), tamén intervirán os responsables deste traballo realizado polo Experimental Technologies Center da University of California (UCLA), en Los Ángeles. A dirección do proxecto corre a cargo do director desta institución académica, John Dagenais; co asesoramento científico de John Williams, historiador de arte (Universidade de Pittsburg); Fernando López Alsina, historiador da Universidade de Santiago de Compostela (USC), e José Suárez Otero, arqueólogo da S.A. de Xestión do Plan Xacobeo. Trátase da reconstrución virtual da Catedral de Santiago e a súa contorna urbana tal e como estaba no momento da consagración da igrexa románica, algo que aconteceu en 1211. Inclúe, asemade, unha reconstrución virtual, en proceso, das igrexas prerrománicas que conformaron o Santuario de Santiago antes da construción da catedral románica. Esta reconstrución, que se pode contemplar na páxina web http://www.etc.ucla.edu/research/projects/compostela.htm foi xa presentada con moi boa acollida en diversos encontros e congresos en cidades como Michigan, Chicago, Toronto ou Los Ángeles.
A presentación de mañá enmárcase dentro dunha serie de actividades do Museo que, co título Sunday at MET dedica algúns dos domingos do ano a tratar un tema de xeito monográfico, mediante conferencias, concertos e outras actividades. Nesta ocasión acollerá o proxecto Celebrating the Cathedral of Santiago de Compostela.
Este acto estará acompañado por un concerto de música medieval, relacionada coa basílica de Compostela e a peregrinación xacobea na Idade Media, incidindo na época de esplendor do fenómeno xacobeo, momento que corresponde coa Catedral representada nesta reconstrución virtual. Este concerto celebrarase hoxe sábado na Fuentidueña Chapel, ubicada na parte do museo coñecida como The Cloisters e dedicada á arte medieval.
Ciclo de conferencias no Camiño da Reflexión
A presentación deste proxecto de carácter didáctico e divulgativo será o broche de ouro ao ciclo de conferencias que se ven celebrando desde o 1 de outubro no Metropolitan Museum of Art of New York (MET). Estas conferencias, que foron inauguradas polo conselleiro de Cultura e Turismo, Roberto Varela, trataron sobre o Camiño de Santiago, a Catedral compostelá e Galicia como destino turístico, e están incluídas dentro da programación exterior da S.A. de Xestión do Plan Xacobeo. Asemade, estes eventos forman parte dos primeiros pasos para a conmemoración do VIII Centenario da Consagración da Catedral Románica de Santiago de Compostela orientados á promoción do Camiño de Santiago, a Catedral e de Galicia como destino turístico.
A celebración destas iniciativas nun dos máis destacados e emblemáticos museos de arte do mundo, ten como finalidade atraer un mercado turístico estratéxico para Galicia como é o estadounidense. Estas xornadas inclúense dentro da política de internacionalización e promoción da cultura galega que está a desenvolver desde a Consellería de Cultura e Turismo, e que ten como obxectivo converter a Galicia e a Santiago de Compostela nun centro de referencia do panorama artístico e cultural a nivel mundial. Promovidos pola S.A. de Xestión do Plan Xacobeo, en colaboración co Metropolitan Museum Art of New York, os actos celebraronse nos edificios principal do museo, situado na Quinta Avenida de Manhattan, e en The Cloisters, no Fort Tryon Park, no norte da citada illa.
PROGRAMA DO SUNDAY AT THE MET: CELEBRATING THE CATHEDRAL OF SANTIAGO DE COMPOSTELA
14 de novembro 2010 : Grace Rainey Rogers Auditorium
10:00-12:30
Brief introduction by a Galician representative.
Virtual Reconstruction of the Romanesque Cathedral of Compostela
John William, Distinguished service professor emeritus, Department of Art and Architecture, University of Pittsburgh & co-author of the Project
Reconstructing the Cathedral of Compostela: the Art Historical Issues.
Fernando López Alsina, Professor of Universidad de Santiago de Compostela & co-author
Reconstructing the Medieval Compostela from Documentary Sources
José Suarez Otero, S.A. de Xestión do Plan Xacobeo & co-author
Digging in a Medieval Cathedral
John Dagenais, Associate Professor, Department of Spanish and Portuguese, University of California, Los Angeles & Director of Project
Presentation of the Virtual Reconstruction Project of the Cathedral of Compostela
2:00-5:00
Janice Mann, Samuel H. Kress Professor of Art History, Bucknell University
Santiago Beckons: Artist and Scholars on the Pilgrimage Road
Margot Fassler, Keough-Hesburgh Professor of Music History & Liturgy, University of Notre Dame
The Musical Repertoires and Liturgical Contexts of the Codex Calixtinus: An Overview.
Concerto: Lionheart
El Siglo dOro & Selections from the Codex Calixtinus
Foi presentada a novena edición de Intersección, Festival Internacional de Cine da Coruña, celebrada nos Cantones Cines. O festival desenvolverase do 13 ao 17 de outubro cunha programación que combina proxeccións, exposicións, formación e encontros profesionais arredor das novas linguaxes cinematográficas. Así, as seccións competitivas Galicia, Internacional e Fulgor achegarán ao público obras afastadas dos circuítos comerciais habituais e novas voces da creación audiovisual contemporánea. En concreto, a sección Internacional reúne 27 filmes procedentes de 22 países, entre os que figuran catro estreas mundiais, 17 en España e cinco en Galicia. As propostas exploran cuestións como a tecnoloxía, a memoria, o territorio e a identidade desde linguaxes e xeografías diversas.
A Real Academia Galega de Ciencias (RAGC) celebrou en Santiago, no Salón Nobre do Colexio de Fonseca, o acto do Día da Ciencia en Galicia, no que se homenaxeou á oceanógrafa Aida Fernández Ríos (Vigo, 1947 - Moaña, 2015) como Científica Galega 2026. Ademais, entregáronse as Medallas de Investigación a cinco científicas e científicos da nosa comunidade. O presidente da Academia destacou que 'Aida Fernández Ríos foi unha investigadora capaz de identificar problemas relevantes e de situalos nun contexto internacional, converténdose nunha científica respectada moito máis alá de Galicia.
