sábado, 13 de junio de 2026
Nota de prensa remitida por el Gabinete de Comunicación de la Vicepresidencia Primera de la Diputación Provincial de Lugo:
O vicepresidente da Deputación, o nacionalista Antón Bao, mailo delegado de Cultura e Deporte, Antonio Veiga, presentaron na sala de exposicións do Pazo de San Marcos a XXXII edición do Rallye San Froilán, proba puntuable para o Campionato Galego de Rallyes, que se disputará a fin de semana do 4 e 5 de setembro. Antes de que comezase o acto, os presentes visitaron a exposición que tiña lugar diante da Deputación, onde podían verse algúns dos coches que este ano participarán na proba. Ademais de Antón Bao e Antonio Veiga, estiveron Carlos Iñiguez, presidente da Escudería Miño, José Vázquez Portomeñe, subdelegado do Goberno en Lugo, José Carlos Rodríguez Andina, xefe territorial de Cultura da Delegación da Xunta en Lugo, Iván Corral Perez, presidente da Federación Galega de Automobilismo, José Manuel Díaz Grandío, concelleiro de Turismo e Deportes de Lugo, José Pardo Lombao, alcade-presidente do Concello de Outeiro de Rei, Serafín Otero Paredes, primeiro tenente alcalde do concello de Begonte, José A. Ferreiro González, alcalde-presidente do Concello de O Corgo e Avelino Basanta, presidente da Asociación Basanta Sport. Ademais, tamén estiveron presentes Pedro Burgo, Sergio Vallejo, e Adrián Díaz, que a vindeira fin de semana participarán na proba.
Na súa intervención, tanto Bao como Veiga deron os parabéns á escudería Miño-Lugo polos anos que leva traballando na promoción deste Rallye. O vicepresidente da Deputación afirmou que este evento debe ser apoiado en todo momento polas institucións, xa que o automobilismo lucense conta non só con importantes pilotos e un importante número de participantes a pesares da crise, 124 este ano, senón tamén con moita afección. Explicou que o Rallye San Froilán é unha proba histórica que este ano acada a súa XXXII 
edición, e por ela teñen pasado os mellores pilotos da esfera nacional e estatal. Veiga manifestou que para nós é un orgullo que este Rallye xa se teña consolidado, e tamén o é que compitan tantos pilotos lucenses. De xeito simultáneo á presentación, fíxose un percorrido histórico polas 32 edicións do Rallye e das variacións que sufriu a proba en diversos aspectos, xa que chegou a ser unha das probas do calendario de Rallyes de España e disputouse polas comarcas lucenses da Terra Chá, Lugo ou Meira.
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando así ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, María Martínez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
