sábado, 20 de junio de 2026
Nota de prensa remitida por la Consellería do Mar de la Xunta de Galicia:
O Pleno do Consello Galego de Pesca (CGP) aprobou a proposta de ditame elaborada polo grupo de traballo designado para recabar as achegas do sector de cara á súa inclusión no Anteproxecto de Lei da Reforma da Lei de Pesca, o cal deu a coñecer a conselleira do Mar, Rosa Quintana, o pasado 17 de xullo no acto de constitución do CGP.
Na súa proposta, o grupo de traballo considera positivo o feito de que no anteproxecto elaborado por Mar se contemple a inclusión da industria da transformación e comercialización coma unha figura importante dentro do complexo mar-industria de Galicia. Ademais, entenden correcta a modificación das medidas da actual lei no ámbito da protección e rexeneración, aínda que cren que no novo articulado se debería facer notar que en ningún caso se trata de promover áreas de exclusión ou Box para marxinar a flotas que tradicionalmente viñeran pescando de forma regular ou esporádica nas zonas reguladas.
Por outra banda, no ditame tamén se considera maioritariamente positivo o feito de que se deixe para o desenvolvemento en norma especial a figura das Confrarías de Pescadores, como se viña solicitado reiteradamente polo sector. Igualmente aplauden a eliminación da posibilidade de Censos por modalidades, así como a figura da Licencia de Pesca e a recuperación do Permiso de Explotación para a flota que faena en augas de competencia da Comunidade Autónoma.
Así mesmo, o ditame considera fundamental que tanto o preámbulo coma o articulado da nova lei fagan unha referencia expresa á necesidade de consultar ao sector a través do propio Consello Galego de Pesca.
Entre as principais modificacións do articulado proposto polo grupo de traballo destacan a necesidade de contar cun plan de explotación para a recollida de argazos. O sector mexilloeiro propón unha reforma no apartado referido ao outorgamento das concesións mediante o cal se valore preferentemente ter sido anteriormente titular dunha concesión no mesmo subsector de actividade; ter exercido habitualmente a explotación dunha concesión semellante ou a experienza no desenvolvemento de actividades da acuicultura na zona por parte dos particulares e das empresas solicitantes.
O ditame debatido en pleno foi aprobado polo totalidade dos asistentes a excepción do representante de UGT.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
