miércoles, 10 de junio de 2026
Cada establecemento será o encargado de fixar o desconto que quere facer. Neste caso, a Consellería de Cultura e Turismo actúa como coordinadora e animadora da iniciativa para que todos os sectores interesados participen na mesma. O pasaporte poderá recollerse nos albergues, cadeas hoteleiras, e establecementos dos axentes que colaboren co Xacobeo 2010.
A Secretaría Xeral para o Turismo, a través da S.A. de Xestión do Plan Xacobeo xa ten iniciados contactos coas asociacións de empresarios e máis do sector para pór en marcha a iniciativa e agárdase que dinamice a demanda turística fóra da tempada alta. O obxectivo é desestacionalizar o turismo no Ano Santo 2010, por iso se pretende que o pasaporte Xacobeo estea activo entre xaneiro e marzo e mais entre outubro e decembro do vindeiro ano. Así mesmo, como a iniciativa afecta a todos os Camiños de Santiago que discorren polas catro provincias galegas, o pasaporte contribuirá a deslocalizar o turismo e fomentar o consumo nas localidades galegas polas que pasan os Camiños a Santiago.
Tivo lugar a xornada 'Deputados por un día', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxías. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade Urbanística (APLU) para protexer o medio ambiente e o patrimonio natural e paisaxístico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á Consellería de Vivenda e Planificación de Infraestruturas, e repartíronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
