martes, 16 de junio de 2026
Nota de prensa remitida por el Gabinete de Comunicación de la Xunta de Galicia:
A Consellería de Educación está a tramitar o decreto que permitirá a conxelación das taxas universitarias para o curso 2009-2010, tanto para a matrícula de graos e másters como para a expedición de títulos. Malia o plan de austeridade gobernamental aplicado a toda a Administración, a Consellería quere con esta medida mostrar o compromiso coa universidade galega nun momento especialmente delicado, debido á crise e á estar inmersa na adaptación ao Espazo Europeo de Educación Superior (EEES).
O Consello galego de Universidades xa dera a finais de maio o visto bo a esta proposta para a conxelación de taxas. Ademais, actúa conforme á proposta do Ministerio de Educación que durante a reunión da Conferencia Xeral de Política Universitaria solicitou deixar as taxas nun intervalo que vai do -0,2% ao +3,8%. De cumprirse o calendario esperado, a conxelación deberá ser aprobada polo Consello da Xunta a comezos de xullo antes de ser publicada no Diario Oficial de Galicia (DOG).
O mantemento de prezos de matrícula e expedición de títulos non será a única medida social encamiñada a mitigar os efectos da crise nun sector estratéxico para a sociedade galega. Para evitar que os estudantes teñan que abandonar os estudos por falta de recursos, habilitarase unha liña de axudas para persoas con escasos medios, problemas familiares, casos de maltrato e outras situacións de extrema desvantaxe.
Estas axudas serán complementarias co resto das bolsas para o curso 2009-2010 que a Consellería xa está tramitando e que se publicarán no DOG nas vindeiras semanas. Ademais, os estudantes poderán optar as bolsas-salarios anunciadas polo goberno central.
No curso 2009-2010, convivirán as titulacións tradicionais co novo esquema de graos introducido co Proceso de Boloña. A Consellería de Educación ve neste camiño un gran desafío para o Sistema Universitario Galego, preparado para superar as numerosas dificultades asociadas á integración no Espazo Europeo de Educación Superior.
A posta en marcha do Rexistro galego de persoas centenarias, Regace, sitúa Galicia nunha posición de referencia para o estudo da lonxevidade, posibilitando coñecer mellor as claves deste fenómeno e afrontar os retos que presenta. Preto de 1.800 persoas de cen ou máis anos viven na comunidade galega, o que supón ao redor do 12 % de toda a poboación centenaria de España, un dato que fala da realidade demográfica de Galicia e reflicte unha oportunidade única para aprender, investigar e avanzar. Deste xeito, Galicia presenta un dos mellores resultados no que a esperanza de vida se refire: 81,19 anos para os homes e 86,83 para as mulleres, superando en ambos os casos a media estatal.
A mostra a 'Illa ignorada' estará aberta ata o 12 de febreiro de 2027 e toma o seu título do primeiro poemario da escritora Gloria Fortes. Nela cabe destacar os traballos tanto dos artistas galegos Alberto Ardid, Vicente Blanco, Andrea Costas, Caxigueiro, Fina Mantiñán, Juan Carlos Meana, Ariadna Silva, Seoane e María Elena Montero, como os de Abel Azcona, Amparo Garrido, Regina Giménez, Antoni Muntadas, Sonia Navarro, Íñigo Royo, Regina Silveira. Ademais desta nova mostra, o centro tamén inaugurou a ampliación, no dobre espazo do Centro Galego de Arte Contemporánea, da exposición Misha Bies Golas, que abriu ao público o pasado 22 de maio cunha escolma de máis de dúas décadas da creación heteroxénea do lalinense Miguel Calvo Ulloa, un dos fundadores do colectivo Nova Escultura Galega.
