miércoles, 7 de octubre de 2026
Nota de prensa remitida por Ficción Producciones:
A curtametraxe Por nada, dirixida por Dani de la Torre e Toni Veiga, vén de gañar o Premio á Mellor Curtametraxe no Festival de Cans. O xurado premiou por unanimidade esta peza de Ficción Producciones por ser unha obra na que todos os elementos están equilibrados: a historia, a narrativa empregada, as interpretacións, o ritmo.... Con guión de Toni Veiga, protagonizada polos actores Miguel García e Carlos Fernández e baseada nunha idea de Manolo Dios, Por nada participa tamén esta semana en Madrid no prestixioso festival de curtametraxes Cortogenia 2009.
Trátase dunha historia baseada nos feitos reais descritos na reportaxe Matar por diversión realizada polo xornalista Diego Bagnera para XL SEMANAL, unha crónica do tedio que goberna a vida de moitos adolescentes e que os empurra a unha espiral de violencia, odio e autodestrución.
Por nada narra de xeito trepidante unha realidade ficcionada a través dunha estética e un enfoque documentais. A cámara ao hombro, o plano afastado e imperfecto, e unha áxil sintaxe transmiten unha idea de neutralidade e convirten Por nada nunha xanela indiscreta a unha das fatalidades cotiás da nosa sociedade.
Alén, o xoves 28 de Maio proxéctase Por nada no Cine Capitol de Madrid, no seo do Festival Cortogenia 09, un dos escaparates de referencia no mundo da curtametraxe a nivel internacional
O conselleiro de Facenda e Administración Pública, Miguel Corgos, avanzou hoxe que as contas da Xunta para o ano 2027 continuarán a reforzar o gasto social, cunha suba por riba da media do crecemento do orzamento e con melloras no acceso á vivenda, a máxima prioridade desta lexislatura. Así mesmo, o Goberno galego seguirá comprometido coa transformación do modelo produtivo cunha aposta polo investimento en I+D+i e pola mellora da formación para impulsar o crecemento empresarial. Ademais de aproveitar a riqueza dun Xacobeo 2027, 'que queremos que sexa o mellor da historia'.
O conselleiro de Cultura, Lingua e Xuventude, José López Campos, compareceu hoxe a petición propia no Pleno do Parlamento de Galicia para dar conta das preto de 700 medidas recollidas no novo Plan xeral de normalización da lingua galega. Fíxoo despois de que a maioría das formacións políticas con representación na Cámara galega chegasen a un acordo para enriquecer este texto froito do traballo de preto de dous anos feito por expertos con achegas de entidades, institucións e particulares. Neste senso, o responsable autonómico de Lingua agradeceu a colaboración e implicación de todos os profesionais que participaron, baixo a coordinación do académico Manuel González, na elaboración deste documento.
