sábado, 13 de junio de 2026
Nota de prensa remitida por el Gabinete de Comunicación de la Consellería de Pesca e Asuntos Marítimos de la Xunta de Galicia:
A Conselleira de Pesca e Asuntos Marítimos, Carmen Gallego Calvar, acompañada polo director xeral de Recursos Mariños, Antonio García Elorriaga, mantivo en San Caetano un encontro co director de Oceana en Europa, Xavier Pastor, e o director de Investigación da devandita organización, Ricardo Aguilar.
No transcurso da reunión, os representantes de Oceana presentaron á Conselleira os seus plans para levar a cabo, nos próximos meses, investigacións dos fondos mariños de Galicia e do Cantábrico. Estes traballos levaranse a cabo, previsiblemente no vindeiro mes de xuño, a bordo do catamarán Oceana Ranger mediante a utilización de mergulladores e un robot submariño con capacidade de inmersión de ata 300 metros.
Carmen Gallego e Antonio García Elorriaga amosaron o apoio da Consellería de Pesca a esta iniciativa, polo cal porán a disposición da organización mariña os medios marítimos dos que dispón o Servizo de Gardacostas. Pola súa banda, toda a información que se obteña no marco desta campaña de investigación será trasladada ao departamento autonómico de Pesca.
Ademais, os representantes de Oceana mostraron o seu apoio á recente creación da Reserva Mariña de Interese Pesqueiro Os Miñarzos, en Lira, e expuxeron a necesidade de declarar novas áreas de protección ao longo da presente lexislatura para cumprir cos convenios internacionais, como a Convención de OSPAR para a conservación do Nordeste Atlántico, e o Convenio pola Conservación da Biodiversidade de Nacións Unidas.
Neste sentido, a titular de Pesca e o director xeral de Recursos trasladáronlle aos representantes de Oceana Europa que a Consellería de Pesca e Asuntos Marítimos está a traballar en dous proxectos para crear dúas novas reservas mariñas en augas galegas, en concreto en Cedeira e Celeiro.
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando así ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, María Martínez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
