sábado, 13 de junio de 2026
Nota de prensa remitida por el Gabinete de Comunicación da Consellería de Pesca e Asuntos Marítimos de la Xunta de Galicia:
A Conselleira de Pesca e Asuntos Marítimos, Carmen Gallego Calvar, e o director general de Costas do Ministerio de Medio Ambiente, José Fernández Pérez, informaron en San Caetano que as empresas que teñan as súas instalacións en dominio público marítimo-terrestre, e con concesións caducadas ou a piques de caducar, poderán prorrogar a súa concesión por un tempo limitado ata que poidan reubicar a súa actividade con éxito.
Deste xeito, a Dirección General de Costas do Ministerio de Medio Ambiente outorgará unha única concesión temporal, de sete anos de duración, co fin de que as empresas afectadas poidan realizar con éxito o traslado da súa actividade económica. Esta concesión non poderá ser renovada agás no caso de que se produzan certas circunstancias extraordinarias que obriguen á renovación automática por sete anos máis, e ata un máximo de 28. Estas situacións poderían darse por que a empresa ao remate desta concesión temporal non tivese alcanzado a situación de traslado efectivo e completo por cuestións alleas á mesma ou para evitar posibles agravios comparativos entre as empresas.
O Ministerio de Medio Ambiente ten establecido unha nova política respecto ás concesións de ocupación de dominio público consistente en non renovar as concesións actuais ao seu vencemento a aquelas instalacións ubicadas en terreos de titularidade estatal. Con esta nova política preténdese que o espazo de dominio público sexa liberado e dar cumprimento á Ley de Costas.
A raíz desta situación, a Consellería de Pesca e a Dirección General de Costas, conscientes da relevancia socioeconómica para Galicia da actividade levada a cabo no litoral, puxeron en marcha unha comisión de traballo, dende principios do ano 2007, co fin de negociar e buscar solucións alternativas para cada unha das empresas galegas ubicadas en concesións administrativas, realizando un estudo pormenorizado da situación concreta que afecta a cada caso.
Neste senso, o acordo presentado ten por obxectivo que as compañías poidan contar cun tempo mínimo para poder trasladar a súa actividade cun prexuízo económico mínimo. Así mesmo, en virtude desta decisión de conformidade entre ambas as dúas administracións, o traslado da actividade considerarase como efectivo cando as novas instalacións teñan probado o seu éxito tras un ciclo completo de funcionamento. Cabe destacar tamén que os gastos que se deriven da restauración ambiental da zona (demolición, acondicionamento do terreo e retirada de materiais e escombros) correrán a cargo da Dirección General de Costas.
De tódolos xeitos, o Ministerio de Medio Ambiente garante que se permitirá a ocupación do dominio público para aquelas instalacións de captación, canalización e emisarios das empresas xa situadas fóra de terreos de titularidade estatal.
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando así ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, María Martínez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
