domingo, 28 de septiembre de 2025
Nota de prensa remitida por el Gabinete de Comunicación de la Xunta de Galicia:
O titular da Xunta, Emilio Pérez Touriño, presentou na Praza de Abastos de Santiago, xunto á conselleira de Pesca, Carmen Gallego, e ao alcalde de Santiago de Compostela, Xosé Sánchez Bugallo, a marca de calidade PescadeRías, ¿de onde se non?, selo impulsado pola Consellería de Pesca co obxectivo de identificar os produtos galegos do mar que polas súas propias características e polo saber facer do noso sector, se diferencian de produtos procedentes doutros lugares. Esta marca de calidade outorgará, segundo sostivo Touriño, un valor engadido aos produtos pesqueiros e marisqueiros de Galicia e certificará que estes proceden da costa galega e foron descargados en portos da nosa comunidade.
Nesta iniciativa a Consellería de Pesca e Asuntos Marítimos leva traballando arredor de dous anos. Ao abeiro da nova marca, que comezará a expedirse o vindeiro 7 de marzo, quedará certificado tal e como salientou Pérez Touriño- que os produtos agrupados baixo a nova marca foron capturados como máximo 24 horas antes da súa primeira venda, para poder garantir un nivel de frescura extra.
Segundo puxo de manifesto o máximo mandatario autonómico, o principal obxectivo que se persegue coa denominación de PescadeRías, ¿de onde se non? é acadar a diferenciación do produto galego coa intención de xerar un valor engadido ao que de por si xa posúen os nosos pescados e mariscos. O impulso desta marca busca, segundo Touriño, implicar ao propio sector da pesca artesanal e do marisqueo, permitindo a súa participación na cadea de comercialización.
En accións formativas e divulgativas desta iniciativa, o Goberno galego investira un total de 1,5 millóns de euros. En verbas do presidente da Xunta, este investimento destinarase non só a campañas de publicidade, senón tamén a financiar un intenso plan de formación e información.
Ata un total de 99 grupos de especies dentro da marca
O presidente da Xunta sinalou ademais que os grupos de especies amparados pola nova marca ascenden a 99. Entre eles, atópanse algas, moluscos, crustáceos, equinodermos e peixes, que son tal e como asegurou Touriño- as especies máis habituais procedentes das capturas da nosa pesca artesanal e do noso marisqueo. Un total de 23 lonxas foron xa preseleccionadas para poñer á venda estes produtos diferenciados, engadiu Touriño.
Xunto a isto, o máximo mandatario autonómico subliñou que esta política de identificación dos produtos pesqueiros galegos, co valor engadido que supón para eles e coa modificación que representa para o sistema de comercialización, contribuirá a mellorar as rendas para as xentes do mar co fin de mellorar os ingresos dos que traballan na pesca artesanal e no marisqueo.
Segundo destacou tamén o xefe do Goberno galego, o amparo e a protección que atesouran na nosa comunidade os estandartes do sector agroalimentario, desde viños cada vez máis recoñecidos, premiados e internacionais, ata a extensa cesta de produtos amparados en toda unha rede de denominacións de orixe, tiña necesariamente que trasladarse ao primeiro sector que lle deu dimensión internacional a nosa economía competitiva. En palabras de Touriño esta iniciativa era unha materia pendente e un compromiso.
Ao tempo, a nova marca de calidade certificada incidirá tamén na nosa importantes industria de transformación, tal e como puxo de manifesto Pérez Touriño. Neste sentido, o máximo mandatario autonómico incidiu en que as empresas dedicadas ao procesado poderán facer un uso deste selo identificativo para poñer en valor os seus produtos, a través das vías da diferenciación, da calidade e da innovación.
Paralelamente, o xefe do Goberno galego destacou algúns datos que amosan que a xestión dos recursos produtivos levada a cabo pola Consellería de Pesca ao longo dos últimos dous anos está dando os seus froitos. En 2007 comercializáronse en lonxa 172,4 toneladas de produto, un total de 10,5 toneladas máis que en 2005, o que representa un incremento do 6,5 por cento, tal e como destacou Touriño. A evolución das vendas en lonxa pasou de 412,5 millóns de euros en 2005 a 463,7 millóns en 2007, o que supuxo un incremento do 12,4 por cento, engadiu Touriño.
Finalmente, Pérez Touriño amosou o seu convencemento de que a nova marca hoxe anunciada vai supoñer un beneficio para todos, tanto para as esforzadas xentes do mar como para as empresas comercializadoras, a industria transformadora, a hostalaría e, sobre todo, para os consumidores. En definitiva, un beneficio para Galicia, concluíu Touriño.
A conselleira de Vivenda e Planificación de Infraestruturas, María Martínez Allegue, destacou que o Plan Estatal de Vivenda replica os mesmos erros do anterior, polo que 'non solucionará o problema de acceso á vivenda, ao non impulsar a construción nin o desenvolvemento de solo'. Allegue, acompañada pola secretaria xeral do Instituto Galego de Vivenda e Solo (IGVS), María Ángeles Domínguez Franjo, abordou hoxe nunha rolda de prensa este novo plan, que non está consensuado, polo que adiantou que a Xunta solicitou hoxe unha reunión bilateral co Ministerio, previa á Conferencia Sectorial para que se inclúan as reivindicacións de Galicia, xa trasladadas en decembro do ano 2024.
Foi inaugurada a unión artística de Jaione Camborda, Max Estebam e Joan Fontcuberta na experiencia inmersiva 'Percepción e incerteza', coa que o Centro Galego de Arte Contemporánea arranca a súa programación de outono. Trátase dun diálogo entre tres grandes creadores actuais que traballan coa imaxe en movemento desde perspectivas moi distintas, pero das que son nomes referentes. Cada unha das pezas dos tres artistas aborda os conceptos de percepción e da incerteza desde canda súa disciplina. Deste xeito, Jaione Camborda afonda no universo dunha persoa xordocega en relación coas posibilidades e contradicións do mundo cuántico.
