sábado, 13 de junio de 2026
Nota de prensa remitida por el Gabinete de Comunicación de la Consellería de Pesca e Asuntos Marítimos de la Xunta:
A Consellería de Pesca e Asuntos Marítimos vén de publicar no Diario Oficial de Galicia (DOG) a Orde do 29 de outubro de 2007 pola que se fixa nun quilogramo o tamaño mínimo do polbo capturado en augas galegas. Deste xeito, o departamento que dirixe Carmen Gallego modifica a Orde do 15 de novembro de 1992 que regula as tallas mínimas de extracción e comercialización de diversas especies de peixes, moluscos, crustáceos e equinodermos.
Segundo a normativa recollida no DOG do pasado mércores 7 de novembro, modifícase a epígrafe referida a cefalópodos do anexo II da Orde de 1992, establecéndose o tamaño do polbo nun quilo, mentres que as restantes especies recollidas nese apartado (lura, choco e choquiño) manteñen a mesma talla.
Este cambio enmárcase no Plan zonal experimental de captura do polbo, aprobado pola Dirección Xeral de Recursos Mariños, mediante a Resolución do 29 de xuño de 2007 e logo de consultar ás organizacións sectoriais e tendo en conta os diferentes informes técnicos. O devandito Plan estará vixente ata o 31 de decembro de 2009 e recolle tanto as medidas de xestión da pesca como as específicas de control e seguimento, entre as que se atopa o peso mínimo.
Cabe lembrar que a finais do pasado mes de xuño o director xeral de Recursos Mariños, Antonio García Elorriaga, mantivo unha xuntanza con representantes da Federación Galega de Confrarías e das provincias, así como coa Asociación de Armadores de Galicia Asoar-Armega. Nese encontro, acordáronse cuestións relativas a tallas mínimas, topes de captura, horario de traballo e calamento das nasas, así como o período de veda de dous meses para o ano 2008, que quedou fixado entre o 9 de maio e o 7 de xullo nos tres plans zonais.
O feito de fixarse o tamaño mínimo do polbo capturado en augas galegas nun quilo durante todo o ano supón incrementar en 250 gramos o peso dos exemplares que se poden pescar no período de novembro a abril con respecto á campaña pasada, xa que naquel entón a talla mínima estaba fixada en 750 gramos.
No que atinxe ao tope de captura mantéñense as cantidades da anterior tempada e determinouse que no período de maio a outubro será de 40 quilogramos por embarcación e día e 40 quilos máis por cada tripulante enrolado a bordo. Pola súa banda, entre novembro e abril o tope máximo será de 200 quilos por embarcación á semana máis 200 kilos por cada tripulante.
Así mesmo, o horario no que os pescadores poderán capturar polbo quedou marcado entre as 06.00 horas e as 18.00 horas, de luns a venres e só nos plans zonais da Costa Cantábrica (comprendida entre Monte Campelo e o río Eo) e da Costa Noroeste (ao sur de Cabo Silleiro e desde Corrubedo a Monte Campelo) terán permitido deixar as nasas caladas durante a fin de semana. No plan das Rías Baixas (dende o norte de cabo Silleiro ata Corrubedo ) os aparellos deben regresar a terra todos os días.
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando así ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, María Martínez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
