domingo, 6 de julio de 2025
El Consello de la Xunta aprobó el Programa de Reequilibrio Territorial de Galicia por el que la Consellería de Economía e Facenda invertirá 204 millones de euros en acciones que contribuyan a equilibrar a los ayuntamientos con menos renta y bienestar.
Nota de prensa remitida por el Gabinete de Comunicación de la Xunta de Galicia:
O presidente da Xunta, Emilio Pérez Touriño, explicou o informe que deu a coñecer a Consellería de Economía sobre o Programa de Reequilibro Territorial. Con este plan, a Xunta comprométese a investir 204 millóns de euros en accións de reequilibrio. Emilio Pérez Touriño sinalou que este programa incluíase nos compromisos de Goberno e a Lei de Orzamentos de 2006 introduciu a novidade de que cada ano incluiríase un fondo de reequilibrio cunha dotación mínima de 150 millóns de euros. Para este exercicio supérase esta cifra, ata chegar aos 204 millóns.
Segundo dixo o titular do Goberno galego a Xunta asumiu o programa 2006 que inclúe unha serie de actuacións dirixidas ao reequilibrio, nun ano que o presidente cualificou de rótula e transición. Neste sentido, indicou que se trata dun exercicio no que rematan os programas europeos anteriores e se da paso ao novo MECEGA, marco europeo de converxencia aprobado no pasado consello.
O programa está dirixido ás areas de Galicia con menor crecemento económico, con menores niveis de renda e menor nivel de benestar. No que se refire ao ámbito de actuación do plan de reequilibrio, este abrangue 254 municipios, que supoñen, en palabras do presidente preto do 90% da superficie total de Galicia e que, sen embargo, acollen o 38% da poboación e teñen rendas inferiores a un 90% de media.
A través deste plan póñense en marcha máis de 500 accións en áreas de accesibilidade, infraestruturas, medio ambiente, recuperación patrimonial e urbanística.
Tras este período, tildado de transición polo presidente, e dentro do marco do MECEGA, O Goberno autonómico aprobará no primeiro trimestre o Plan de Reequilibrio Territorial para os anos 2007-2013, coincidindo coa aprobación por parte da UE do MECEGA, que contempla o marco de converxencia para este mesmo período.
Emilio Pérez Touriño subliñou a aprobación do Proxecto de Lei de Estatística 2007-2011, unha normativa que, segundo afirmou, permitirá maior rigor, transparencia e amplitude das estatísticas da comunidade autónoma. Rigor en canto a que se establecen tipoloxías e características para que unha estatística ou información poida ser conceptuada como tal, de acordo coa normativa europea, xa que non todas están acompañadas do rigor necesario para que sexa oficial, informou o presidente.
A lei tamén garantirá maior transparencia porque se inclúe a esixencia de publicidade e amplía o abano de actuación a ámbitos que na actualidade non están contemplados como son demografía, territorio e medio ambiente e a aplicación das novas tecnoloxías.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
