viernes, 6 de noviembre de 2026
Deste xeito, a taxa de doazón de sangue galega sitúase cinco puntos por riba de media nacional: 34 doazóns por cada 1.000 habitantes e ano.
Os excelentes resultados acadados pola ADOS son posibles grazas ao carácter solidario dos galegos e galegas, que se teñen convertido nun referente de xenerosidade e compromiso co xesto da doazón de sangue.
A Xunta, a través da Axencia de Doazón de Órganos e Sangue, traslada o seu agradecemento toda a sociedade galega que, coa súa contribución, permiten a recuperación de enfermos que precisan recibir a transfusión de compoñentes sanguíneos durante o seu tratamento.
Datos de participación
O Ministerio de Sanidade salienta que o pasado ano se rexistraron un total de 1.662.035 doazóns de sangue en España, das que 105.337 doazóns correspóndense con achegas recollidas en Galicia.
O total de doazóns nacional foi realizado por 1.070.169 persoas, das que 73.317 doaron na comunidade galega e un 12,65 % delas doaban sangue por vez primeira: 9.275 doantes.
A Xunta quere salientar a importancia de ampliar a base de doantes, xa que contribúen ao relevo xeracional pero tamén resulta fundamental concienciar á cidadanía da necesidade de manter unha participación estable todos os días, xa que a necesidade de compoñentes sanguíneos non diminúe en ningunha época do ano.
Cómpre lembrar que a Axencia de Doazón de Órganos e Sangue (ADOS) vén de presentar a súa nova campaña de verán Un alento de vida co obxectivo de fomentar a doazón de sangue durante o período estival e acadar, ata finais do mes de agosto, 22.000 doazóns.
Unidades e locais de doazón
Son máis de 170 concellos galegos os que recibirán a visita das unidades móbiles este verán. Así mesmo tamén continuará sendo posible doar nos sete locais de atención permanente ao doante de sangue existentes nas grandes cidades galegas. Nestes locais, ademais de doar polo xeito convencional, pódense realizar doazóns polo sistema de aférese (doazón selectiva dos diferentes compoñentes sanguíneos).
No ano 2025 foron 5.505 os procesos de aférese realizados en Galicia, dos que 1.121 se corresponderon co programa de plasmaférese (doazón de plasma), recentemente posto en funcionamento, e que permitiu acadar 635 litros de plasma. O plasma é a parte líquida do sangue e que contén proteínas que posibilitan a fabricación de medicamentos, como as inmunoglobulinas, o factor VIII ou o Alfa 1 antitripsina, que permiten o tratamento de diversas doenzas.
A Xunta reitera o agradecemento a todos os galegos e galegas que son doantes de sangue, xa que os excelentes resultados foron posibles grazas á súa colaboración. Nesta liña fai un chamamento á cidadanía a tomar parte na campaña de doazón deste verán, sabendo que pode doar sangue calquera persoa maior de 18 anos que pese máis de 50 quilos e non padeza nin teña padecido enfermidades transmisibles polo sangue.
Para máis información, ADOS dispón do sitio web: ados.sergas.gal, as redes sociais, e o teléfono gratuíto: 900 100 828, para resolver calquera dúbida relacionada coa doazón de sangue ou coñecer a data dos desprazamentos das unidades móbiles.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
