sábado, 4 de mayo de 2024
A Xunta de Galicia únese á homenaxe a Francisco Asorey polo Día das Artes Galegas, que se celebra mañá día 1 de abril, con varias propostas que teñen como obxectivo achegar a figura do escultor a público adulto e infantil e reivindicar a importancia do artista na cultura galega.
Neste senso, a Cidade da Cultura programa para o vindeiro sábado, día 6, dous obradoiros, para os que é necesario obter entradas a través de Ataquilla.com a un prezo de 3, que farán fincapé na madeira e na cor, de maneira que as persoas participantes poderán profundar na técnica da policromía, tan característica de Asorey, cunha parte formativa e outra práctica.
A actividade está adaptada a persoas adultas nun primeiro grupo convocado para a mañá (11.30 horas) e para público familiar e cativada entre 6 e 12 anos co acompañamento dunha persoa responsable, que desenvolverán o obradoiro pola tarde (ás 16.30 horas). Nunha primeira parte formativa afondarase nas distintas técnicas que o escultor desenvolveu no seu momento sobre a madeira e as súas influencias, así como os pigmentos que utilizaba, como os aplicaba e o seu tratamento previo e posterior. Compleméntase cunha parte práctica para comprender mellor os conceptos abordados nos que os participantes poderán experimentar coa pigmentación sobre madeira, desenvolvendo un traballo creativo que permita observar resultados.
Ademais, Francisco Asorey tamén é protagonista no Gaiás a través da Biblioteca de Galicia, que ten preparada para o mesmo sábado día 6 outro obradoiro para cativada entre 8 e 12 anos. Nesta ocasión poderán experimentar coa escultura e as formas a partir dun bosquexo realizado sobre o papel. As reservas poden facerse a través da web www.cidadedacultura.gal.
Pola súa parte, as bibliotecas públicas galegas tamén se suman a esta celebración con variadas actividades. A Biblioteca Pública Ánxel Casal de Santiago organiza mañá, ás 18,30 horas, o obradoiro Artes galegas 2024: Asorey, un escultor monumental da man de Crearte Servizos Culturais. Este taller, para nenos de entre 7 a 12 anos, servirá para experimentar co proceso creativo facendo a maquetada dun monumento escultórico propio.
Máis alá disto, estas entidades xestionadas pola Consellería de Cultura, Educación, FP e Universidades tamén apostan polas mostras bibliográficas. A Biblioteca Pública Nós de Ourense presenta a exposición Día das artes galegas: Asorey e a escultura galega do século XX, que estará dispoñible ata o 30 de abril. En Vigo, a Biblioteca Pública Juan Compañel da a coñecer, ata o 15 de abril, obras de referencia sobre o escultor baixo o título A transformación da materia: centro de interese sobre Francisco Asorey.
Sobre o artista
Francisco Asorey (1889-1961) está considerado un dos renovadores da arte galega e unha das figuras máis relevantes na renovación escultórica española do século XX. Traballou a pedra e a madeira nas súas esculturas e con este último material realizou no seu obradoiro de Santiago unha serie de tallas policromadas nas que a protagonista é a muller galega. Nelas experimenta coa cor, levando a cabo un tratamento naturalista aplicando sutilmente a policromía sen perder a calidade da madeira e dotando as pezas de gran humanidade.
Máis de 3.000 alumnos e alumnas, tras ler as obras finalistas, emitiron as súas valoracións para escoller as obras gañadoras das sete categorías. Os títulos seleccionados na categoría Infantil foron Caderno de cores e cancións, de Magín Blanco e Sonia García, como ilustradora, e está editado por Galaxia. Na de primeiro e segundo curso de Educación primaria foi distinguido Violeta parapluie e outras historias de xente pouco corrente de Ramón D. Veiga, publicada por Edicións Embora. Na segunda categoría distinguiuse A pulga espacial de Xabier Domínguez e Alba de Evan.
A Xunta publica a consulta previa para unha nova Lei de servizos dos medios públicos de comunicación audiovisual de Galicia para a sociedade dixital, que se adecúe á normativa europea e á realidade que trouxeron consigo os cambios tecnolóxicos dos últimos anos. As modificacións introducidas pola Directiva comunitaria 2018/1808, polo Regulamento comunitario 2024/1083 e pola recente Lei 13/2022 xeral de comunicación audiovisual, xunto cos avances tecnolóxicos, obrigan a reconsiderar o vixente texto legal.
