viernes, 10 de mayo de 2024
Toda a súa obra está chea de modernidade, de compromiso e de imaxinación, algo que lle fixo posible crear unha marca propia coa que logrou combinar vangarda creativa e modelo residencial galego, indicou.
Neste sentido, durante o acto, que contou coa presenza do alcalde de Madrid, José Luis Martínez-Almeida, e a directora do Museo do Mar de Galicia, Marta Lucio, celebrou que a mostra inclúa unha peza icónica do seu traballo, a réplica da maqueta do Plan Palacios para Vigo elaborada polo mencionado docente e alumnado do Instituto IES Politécnico da cidadanía e que pese a ser unha iniciativa que non puido chegar a realizarse, é quizais unha das pezas que mellor mostra a súa creatividade universal.
Desde Galicia, cando se cumpren case 150 anos do seu nacemento, sentímonos moi orgullosos da herdanza de Palacios e por iso é de agradecer que o seu traballo sexa tamén recoñecido en Madrid, declarou.
Catro meses en Madrid
A réplica da maqueta do Plan Palacios para Vigo, xunto a outras pezas en homenaxe a Antonio Palacios, estará exposta nesta mostra durante catro meses no Colexio Oficial de Arquitectos de Madrid (COAM) para celebrar o 150 aniversario do nacemento do arquitecto porriñés.
Esta peza xa formara parte da exposición Antonio Palacios. Soños de modernidade, compromiso con Galicia, no Museo do Mar de Galicia, nos anos 2021 e 2022 con grande éxito entre o público e posteriormente na Delegación da Xunta en Vigo.
O festival AlMajisti' vaise desenvolver os vindeiros 17,18 e 19 de maio neste concello da alta montaña galega. Trátase dun certame literario no rural de Galicia que propón un diálogo entre literatura, astronomía e música, con afán de converterse nunha das citas culturais máis importantes da provincia. O nome 'AlMajisti' é o topónimo árabe traducido como 'o máis grande, o grande tratado' e empregado polos astrónomos ata a Alta Idade Media, incluídos os navegantes dos descubrimentos; por iso o festival ten a súa partida en dúas grandes estrelas da cultura astronómica, Claudio Ptolomeo e Afonso X O Sabio.
Catro traballos que versan sobre a liberdade vixiada, a crise dos pellets, a ocupación de vivendas e a intelixencia artificial foron galardoados este xoves co III Premio Xurídico de Investigación en lingua galega Xosé Luís Franco. Os catro gañadores, dúas estudantes da Universidade de Vigo, un de Santiago de Compostela e outra da Coruña, déronse a coñecer este xoves na Facultade de Ciencias Xurídicas e do Traballo, impulsora destes premios, no transcurso dun acto co gallo do Día das Letras Galegas.
