viernes, 10 de mayo de 2024
Na primeira liña (instalacións de regadío) estarían incluídas a substitución de grupo de bombeo por outros máis eficientes desde o punto de vista enerxético, a implantación de variadores de frecuencia e arrancadores estáticos, a implantación ou modernización de sistemas de regulación, control e monitoraxe da rede de rega, ou a instalación e substitución de baterías de condensadores nas estacións de bombeo, entre outras.
Na segunda liña (explotacións) entrarían as actuacións sobre a envolvente térmica, nas instalacións térmicas de calefacción, refrixeración, ventilación e auga quente sanitaria, a substitución da enerxía convencional en instalacións térmicas por enerxías renovables térmicas, ou a reforma ou substitución de instalación de iluminación interior e exterior, por exemplo.
O importe máximo das axudas é dun millón de euros por proxecto, e poden ser solicitadas ata o 31 de decembro por persoas físicas e xurídicas que sexan titulares de explotacións gandeiras, comunidades de regadores, titulares de explotacións agrícolas de regadío, organizacións e asociacións de produtores agrícolas, comunidades de enerxías renovables, comunidades cidadás de enerxía e empresas de servizos enerxéticos.
Este programa está encamiñado a promover o aforro e a eficiencia enerxética no sector agropecuario, mediante proxectos que permitan reducir custes enerxéticos e mellorar a eficiencia e a sustentabilidade. Ata o momento, isto traduciuse en 54 solicitudes por importe total de 2,09 millóns de euros, co que xa se mobilizaron 5,9 millóns de euros.
Axenda Enerxética
Estas axudas están enmarcadas dentro da Axenda Enerxética de Galicia 2030, unha folla de ruta da Xunta de Galicia que ten como obxectivo acadar a neutralidade climática en 2050 diminuíndo a dependencia enerxética do exterior mediante a descarbonización, facendo da nosa comunidade un polo enerxético innovador baseado nunha industria eficiente e sostible, e axudando ás familias galegas a aforrar e mellorar a súa eficiencia económica.
A Axenda Enerxética procura unha Galicia máis verde, sustentable, competitiva, innovadora e xusta, e propón 56 medidas arredor de sete eixos de actuación, sendo un deles a descarbonización do sector primario, do terciario, das actividades económicas e das administracións públicas.
O festival AlMajisti' vaise desenvolver os vindeiros 17,18 e 19 de maio neste concello da alta montaña galega. Trátase dun certame literario no rural de Galicia que propón un diálogo entre literatura, astronomía e música, con afán de converterse nunha das citas culturais máis importantes da provincia. O nome 'AlMajisti' é o topónimo árabe traducido como 'o máis grande, o grande tratado' e empregado polos astrónomos ata a Alta Idade Media, incluídos os navegantes dos descubrimentos; por iso o festival ten a súa partida en dúas grandes estrelas da cultura astronómica, Claudio Ptolomeo e Afonso X O Sabio.
Catro traballos que versan sobre a liberdade vixiada, a crise dos pellets, a ocupación de vivendas e a intelixencia artificial foron galardoados este xoves co III Premio Xurídico de Investigación en lingua galega Xosé Luís Franco. Os catro gañadores, dúas estudantes da Universidade de Vigo, un de Santiago de Compostela e outra da Coruña, déronse a coñecer este xoves na Facultade de Ciencias Xurídicas e do Traballo, impulsora destes premios, no transcurso dun acto co gallo do Día das Letras Galegas.
