lunes, 20 de mayo de 2024
O delegado da Xunta, Gonzalo Trenor, e o director da Axencia Galega das Industrias Culturais, Jacobo Sutil, asistiron á presentación do programa completo do WOS Festival X Son Estrella Galicia, que celebra a súa sétima edición do 14 ao 17 de setembro e ofrecerá máis dunha trintena de espectáculos e arte sonora. A organización deste encontro volve contar coa implicación da Xunta a través dun apoio económico que se materializa por dúas vías, a través da Axencia Turismo de Galicia, cunha achega de 60.000 euros, e das subvencións a festivais profesionais de música da Consellería de Cultura e Educación, canle polo que percibe 23.000 euros.
Con estes apoios, o Goberno galego incide no potencial das citas culturais especializadas e de calidade, como é o caso do WOS no que respecta á música máis innovadora e de vangarda, para atraer un turismo musical a Galicia. Ao tempo, contribúese a dinamizar a actividade e a fomentar as contratación no eido das industrias culturais e creativas. O encontro súmase ademais este ano á axenda global de máis 2500 citas que a Xunta está a impulsar ao longo do verán baixo o lema A cultura en Galicia é un CulturON.
Trenor lembrou que celebramos unha nova edición dun festival xa consolidado e premiado como o mellor festival indoors de España e Europa, coma nos Iberian Festival Awards (2022) ou European Festival Awards (2018)., entre outros recoñecementos que avalan a súa aposta por ofrecer unha alternativa cultural que defende unha visión ampla da cultura alternativa coa música como motor principal e clara vocación multidisciplinar.
Este evento reunirá a artistas de máis de 15 países de todo o mundo (dos cinco continentes, desde Exipto ata India, pasando por Reino Unido, Portugal, Sierra Leona ou Australia, entre outros) proclamándose como un dos festivais de referencia en Europa pola súa programación arriscada e de vangarda.
Ao longo de catro xornadas, WOS Festival x SON Estrella Galicia ofrecerá un completo programa con case unha trintena de espectáculos de arte sonora, entre os que se inclúen tres estreas mundiais, ademais de proxeccións de películas documentais e parladoiros. Dous deles, precisamente, xirarán arredor da efervescente escena electrónica galega.
A Igrexa da Compañía, o Teatro Principal, O Centro Galego de Arte Contemporáneo (CGAC), a sede Afundación, a Fundación Eugenio Granell, a sala de cinema NUMAX, o Parque de Bonaval e a Sala Capitol serán sedes desta edición que, como novidade, incorpora dúas naves do complexo arquitectónico da Fundación Laboral de la Construción, exemplo da arquitectura industrial galega que, na noite do sábado 16, se transformará nunha pista de baile.
Os apoios, que poden chegar aos 3 millóns de euros por proxecto, son de ata o 45% do investimento subvencionable no caso dos proxectos de grandes empresas, mentres que no caso das pemes serán do 45% ou do 55% en función da porcentaxe de redución de emisións xustificada. Con estas axudas que xestiona o Instituto Enerxético de Galicia (Inega) búscase incentivar a transformación ecolóxica da actividade industrial de cara a unha economía baixa en carbono e a súa competitividade nun mercado global, diminuíndo o consumo de enerxía e promovendo a introdución da mellor tecnoloxía dispoñible. Ao mesmo tempo, estas axudas que se enmarcan na Estratexia Galega de Cambio Climático e Enerxía 2050 e na Axenda Enerxética de Galicia 2030 contribúen a reactivar e dinamizar a economía da provincia tras o peche das centrais térmicas.
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
