martes, 7 de mayo de 2024
O representante do Executivo galego lembrou que esta acción formativa vai pola terceira edición e que nos últimos anos contribuíu a capacitar a profesionais de Sudamérica e de África en materia de loita contra as actuacións ilícitas no sector pesqueiro. Por iso, aseverou que Galicia e o porto de Vigo son exemplos de boas prácticas e de compromiso coa explotación sustentable dos recursos.
Neste sentido, lamentou as informacións vertidas nos últimos tempos contra a comunidade galega e o peirao vigués cuestionando o seu labor de control da actividade pesqueira e salientou o traballo exemplar que realizan todos os profesionais do mar e dos portos galegos. Ademais, cualificou de totalmente inxusto que, de xeito arbitrario, se poña en dúbida a boa reputación que este sector gañou nas últimas décadas froito dun intenso traballo e esforzo para acabar coas prácticas irregulares.
Alfonso Villares incidiu tamén en que a Xunta de Galicia leva anos facendo un importante esforzo para mellorar os seus medios terrestres, marítimos e aéreos de loita contra a pesca ilegal así como colaborando co resto de corpos e forzas de seguridade do Estado, coa Axencia Europea de Control da Pesca e outros organismos internacionais. A pesca ilegal, engadiu, é un problema que afecta aos ámbitos fiscal, laboral, comercial, sanitario e medioambiental, polo que comprometeu o máximo esforzo do Executivo galego na loita contra ela.
O conselleiro do Mar sinalou ademais que as prácticas irregulares poñen en risco o futuro do sector e que a frota galega é consciente desa realidade, polo que leva décadas facendo unha pesca sostible, responsable e respectuosa cos recursos mariños. Boa mostra diso é que a maioría dos caladoiros nos que faenan os buques galegos se atopan en niveis de rendemento máximo sostible, o nivel de capturas que garante a continuidade da actividade a longo prazo.
O curso
A formación impartida nas instalacións da Autoridade Portuaria de Vigo chega xa á súa terceira edición, desenvolverase entre hoxe e o 28 de setembro e está dirixida a inspectores de pesca de Perú, Ecuador e Colombia. Na primeira edición participaron profesionais de Ecuador, Costa Rica, Panamá e Perú e na segunda de Guinea Conakri, Madagascar e Mauritania.
Nas xornadas lectivas participan expertos dos servizos de inspección da Axencia Europea de Control da Pesca, da FAO, da Secretaría Xeral de Pesca do Goberno central e da Consellería do Mar, entre outros. Por iso, o titular de Mar aproveitou a ocasión para desexar ao alumnado unhas produtivas xornadas e agradeceu a súa contribución a que as boas prácticas que defende Galicia na loita contra a pesca ilegal se estendan a outros países do mundo.
O presidente da Xunta, Alfonso Rueda, destacou que o Consello aprobou hoxe a Estratexia galega de Mobilidade, a folla de ruta a seguir ata 2050 para 'garantir uns desprazamentos máis sostibles, seguros e funcionais' que estará dotada de 420 millóns de euros para implantar 'un centenar de medidas'. A estratexia contén un plan de acción que implica as diferentes administracións públicas, a autonómica, a estatal e a local, para facilitar os desprazamentos das persoas e mercadorías, apoiar a competitividade do territorio e transformar os patróns de mobilidade. Preséntase como un instrumento para deseñar solucións que permitan transformar o actual modelo nun máis funcional, sustentable e seguro.
O presidente da Xunta, Alfonso Rueda, salientou hoxe que o Goberno galego xa adxudicou 985M de fondos do Mecanismo de recuperación e resiliencia (MRR) desde a posta en marcha do plan de recuperación. Así, o Executivo autonómico autorizou a publicación de convocatorias por importe de 1.097M e adxudicou o 90%, o que supón 'un grado de execución moi razoable', tal e como sinalou o titular da Administración. Segundo o informe analizado hoxe na reunión do Consello, na actualidade, a suma dos recursos do MRR asignados polo Goberno central á Administración galega ascenden a 1.545 M, o 5,8 % do distribuído entre as comunidades autónomas, o que supón menos recursos dos que corresponderían á comunidade por PIB per cápita.
