sábado, 11 de mayo de 2024
Na xornada La gestión del diálogo social, organizada pola Confederación de Empresarios de Pontevedra (CEP), Rueda asegurou que hai razóns para este optimismo realista respecto ao futuro, entre elas, que en 2024 Galicia non precisará recorrer ao endebedamento para financiar os seus servizos públicos, despois dunha etapa de flexibilidade fiscal condicionada pola pandemia.
Rueda atribuiu estas perspectivas ao marco de estabilidade que ofrece o Executivo galego cunha xestión previsible e cunha planificación ordenada. Precisamente, nesta liña, adiantou que a Xunta xa está elaborando os Orzamentos do ano que vén. O traballo hai que facelo agora, defendeu con respecto a que deben estar aprobados o 31 de decembro.
Rueda resaltou o gran comportamento do tecido produtivo galego nos últimos anos, reflectido en fitos recentes como a recuperación do PIB prepandemia antes que a media de España ou o mellor primeiro cuadrimestre da historia en exportacións, que chega despois dun novo récord no comercio exterior en 2022. O presidente tamén valorou o modelo galego de xestión económica, baseado na estabilidade, a axilidade e a simplificación administrativa e o papel activo da Xunta na captación de investimentos.
Galicia pendente de fondos europeos e infraestruturas fundamentais
O titular do Executivo autonómico volveu reclamar ao Goberno central maior axilidade e concreción no reparto dos fondos europeos, especialmente en sectores como o do vehículo eléctrico e conectado, que será obxecto dun terceiro Perte. Neste senso, insistiu en denunciar que o Goberno central ten 25.000 millóns de euros embalsadose expuxo que Galicia xa ten mobilizada a práctica totalidade dos fondos recibidos ata o de agora, case 1.200 millóns de euros. En canto aos cinco primeiros meses de 2023, o Goberno galego adxudicou o 67 % dos 527 millóns de euros dos fondos do MRR previsto no orzamentoinicial deste ano.
Por este motivo, pediulle ao Goberno central que deixe as comunidades xestionar estes fondos. Temos experiencia e somos máis próximas ca un despacho ou ministerio, que non lles dan para adiante, recriminou.
Ademais, instou a un maior grao de cumprimento coas prioridades de Galicia, nomeadamente co Corredor Atlántico, logo de quedar fóra do reparto de financiamento europeo, ou a chegada do tren de alta velocidade a toda Galicia. Imos seguir nestas loitas, garantiu Rueda con respecto a reclamar o desenvolvemento destas infraestruturas fundamentais para Galicia.
Tivo lugar unha xornada de debate organizada pola Fundación Galicia Europa (FGE) no marco da celebración do Día de Europa co obxectivo de abordar coa mocidade universitaria o estado actual do proxecto de construción europea. No evento colaboraron a asociación xuvenil Equipo Europa e a asociación de debate universitario Retórica da Universidade de Vigo. No evento tratouse o impacto da Unión Europea e das eleccións ao Parlamento Europeo do próximo xuño. A fundación ten en marcha unha campaña en redes sociais para informar á cidadanía galega sobre o traballo das institucións da UE e sobre o seu impacto en Galicia. En liña co seu compromiso con achegar a Unión á xuventude, patente na iniciativa EuroXuventude, a campaña estará principalmente destinada á mocidade.
A Cidade da Cultura de Galicia reivindica na exposición 'Outras historias posibles' a obra de seis artistas contemporáneas vinculadas a Galicia que despuntaron nos anos 80 do pasado século. A mostra, que abrirá a súas portas no Museo Centro Gaiás da Cidade da Cultura a finais deste mes de maio, reúne unha ampla escolma dos traballos de Ana García Pan, Emilia Guimeráns, Anne Heyvaert, Tusi Sandoval, Blanca Silva e Laura Terré co obxectivo de celebrar o seu talento e contextualizar a súa obra, atendendo tanto ás influencias do contexto histórico como aos eventos da vida privada que determinaron o seu devir artístico.
