sábado, 15 de junio de 2024
Desde o Goberno galego púxose en valor o gran traballo do sector turístico e a elección do viaxeiro, maioritariamente de orixe nacional e de proximidade, que soubo ver en Galicia o destino ideal para esta Semana Santa. O Camiño de Santiago no marco da celebración deste Xacobeo 21-22 xogou un papel fundamental neste bo comportamento na chegada de viaxeiros, acadando unha media de máis de 2.200 peregrinos diarios durante os días festivos, o que se traduciu na chegada de máis de 8.700 peregrinos entre o Xoves Santo e o Domingo de Pascua.
Ocupación por provincias
Por provincias e territorios, destacou o bo comportamento da provincia da Coruña, onde Santiago e a Coruña cumpriron expectativas de ocupación, situadas arredor do 80% que foron dun 90% en Ferrol durante os días grandes mentres que a Costa da Morte a ocupación foi arredor do 60%.
Na provincia de Pontevedra, Sanxenxo tamén marcou unha media de ocupación do 80% das súas prazas hoteleiras, que incluso rondou o 90% nos hoteis de máis categoría. En Vigo a ocupación quedou arredor do 70% mentres que na provincia de Lugo foi a Mariña lucense a que acadou as mellores cifras de ocupación, cun 75%, xunto á Ribeira Sacra en que a ocupación estivo arredor do 80%, con cifras incluso superiores nos establecementos de turismo rural.
Finalmente a provincia de Ourense non quedou atrás, marcando unha ocupación de xoves a domingo arredor do 80%. En termos xerais cumpre destacar que os establecementos turísticos con maior categoría e os rurais foron as tipoloxías reguladas que marcaron os mellores resultados de ocupación na que foi a primeira Semana Santa sen apenas restricións e na que os viaxeiros amosaron non só gana de viaxar se non que tamén se decantaron por destinos turísticos de calidade e seguros como é o destino Galicia.
A posta en escena de La Bohème abrirá esta 72ª edición con dúas representacións o 8 e o 10 de setembro no Palacio da Ópera. A homenaxe a Puccini arranca, pois, cunha das súas obras máis coñecidas, que regresa á Coruña despois de 17 anos. Con ela, volven tamén á Temporada Lírica o tenor Celso Albelo e a soprano Miren Urbieta-Vega, nos papeis protagonistas desta produción da Luglio Musicale Trapanese, con dirección escénica de Danilo Coppola. Helena Abad, Manuel Mas, Simón Orfila, Pablo Carballido, Jacobo Rubianes e Alfonso Castro completan o elenco desta montaxe, na que José Miguel Pérez-Sierra levará a batuta da Orquestra Sinfónica de Galicia e para a que se contará, así mesmo, cos coros Gaos e Cantabile.
O cantante Rod Stewart vén de incorporarse ao cartel de O Gozo Festival 2024 co concerto que realizará o vindeiro 15 de decembro no Coliseum da Coruña. O artista, con máis de 250 millóns de discos e singles vendidos na súa carreira musical, chegará a Galicia da man deste festival que, ademais, ten programadas distintas opcións durante este ano en diferentes cidades galegas a cargo de reputados artistas internacionais. Nestes momentos hai máis de 52.000 entradas vendidas para o inicio da programación con público confirmado de Uruguay, Finlandia, México, Arxentina, Irlanda ou Xapón.
