Noticias

O Business2Sea, organizado polo Cetmar e o Fórum Oceano, aposta por unha ciencia mariña centrada na proteción e na sustentabilidade dos océanos

Esta edición do Business2Sea conta con preto de seiscentas persoas inscritas e ofrecerá entre hoxe e o vindeiro mércores un programa diversificado que incluirá conferencias, seminarios e talleres dedicados ás temáticas do evento, un programa de encontros de negocio e sesións de presentacións breves (pitches) organizadas no programa Curtas de Mar. O encontro conta ademais cunha compoñente expositiva e con actividades de divulgación e animación sobre cultura marítima e está dedicado a facilitar a interacción entre persoas e organizacións e a promover proxectos e negocios nos diferentes sectores da economía do mar.

A directora xerente do Centro Tecnolóxico do Mar-Fundación Cetmar, Paloma Rueda, defendeu hoxe en Porto que “a gobernanza para a sustentabilidade deberá ser o núcleo da axenda da investigación mariña”. Neste cometido, engadiu, é clave “a colaboración coas partes interesadas para identificar as prioridades da década dos océanos e, para conseguir o océano que necesitamos no 2030, a ciencia mariña deberá ser holística e transdisciplinaria; unha ciencia sustentable”.

Así o destacou durante a apertura da sesión plenaria do evento internacional Business2Sea 2019, que organizan o Cetmar e o organismo luso Fórum Oceano entre hoxe e o 13 de novembro en Porto e que nesta edición se centra na conservación dos océanos e no uso sustentable dos recursos mariños.

Durante a apertura da sesión plenaria na que tamén participou o presidente de Fórum Océano, António Nogueira, a directora do Cetmar puxo ademais de relevo a importancia de entender os elementos que inflúen nos océanos, como o cambio climático e a contaminación, entre outros, e de “predicir as súas interaccións”.

Nesta liña destacou o apoio das novas tecnoloxías e do manexo de datos como axuda para observar, entender e xestionar o océano e o efecto dos elementos que inflúen nel. Un labor no que é clave o papel da comunidade científica e ao que pode contribuír a celebración de eventos como o Business2Sea, subliñou.

Ademais Paloma Rueda puxo en valor a colaboración do Cetmar, dependente da Consellería do Mar, e do Fórum Oceano na organización do Business2Sea e agradeceu ás autoridades europeas que este ano se sumaran a esta cita coa celebración da 6ª Conferencia de Stakeholders do Atlántico e o evento anual do programa Interreg Espazo Atlántico.

R., 2019-11-11

Actualidad

Foto del resto de noticias (libros.jpg) Máis de 3.000 alumnos e alumnas, tras ler as obras finalistas, emitiron as súas valoracións para escoller as obras gañadoras das sete categorías. Os títulos seleccionados na categoría Infantil foron Caderno de cores e cancións, de Magín Blanco e Sonia García, como ilustradora, e está editado por Galaxia. Na de primeiro e segundo curso de Educación primaria foi distinguido Violeta parapluie e outras historias de xente pouco corrente de Ramón D. Veiga, publicada por Edicións Embora. Na segunda categoría distinguiuse A pulga espacial de Xabier Domínguez e Alba de Evan.
Foto de la tercera plana (comunicacion.jpg) A Xunta publica a consulta previa para unha nova Lei de servizos dos medios públicos de comunicación audiovisual de Galicia para a sociedade dixital, que se adecúe á normativa europea e á realidade que trouxeron consigo os cambios tecnolóxicos dos últimos anos. As modificacións introducidas pola Directiva comunitaria 2018/1808, polo Regulamento comunitario 2024/1083 e pola recente Lei 13/2022 xeral de comunicación audiovisual, xunto cos avances tecnolóxicos, obrigan a reconsiderar o vixente texto legal.

Notas

O próximo día 8 de maio terá lugar no Xardín das Pedras que falan (xardín traseiro do Colexio de Fonseca), ás 20.00 horas e con entrada libre, a segunda edición do MilongUSC. Nesta ocasión, contará coa participación dos alumnos do curso de Danza-tango 23/24 da USC que, baixo as ensinanzas dos profesores Chusa Pérez de Vallejo e Ezequiel Merlo, amosarán o aprendido neste curso.
A Facultade de Educación e Traballo Social do campus de Ourense acolleu a xornada 'Inclusión e deporte. O deporte como clave para intervir socialmente'. Nela reivindicouse o papel da educación social no deporte, convidando a egresadas deste centro, educadoras sociais, a expor boas prácticas desenvolvidas neste eido en diferentes entidades da cidade.
PUBLICIDAD
ACTUALIDAD GALICIADIGITAL
Blog de GaliciaDigital
PUBLICACIONES