viernes, 26 de abril de 2024
O presidente convocou aos galegos de Arxentina a ser os mellores embaixadores do próximo Xacobeo 2021 para dar a coñecer, dixo, a mellor Galicia da nosa historia. O Xacobeo 2021 será unha festa sen fronteiras e pídovos que sexades os seus mellores embaixadores como o fostes sempre da vosa terra, abundou.
Durante unha visita ao Centro Gallego de Comodoro Rivadavia, na tarde do martes (madrugada en España), Feijóo salientou que, no próximo Ano Santo, que se celebrará en 2021, Galicia converterase nunha terra á que vir e á que volver coa certeza de atopar algo novo, unha versión distinta do que somos, dixo, referíndose aos pobos e cidades que conforman as distintas rutas do Camiño, á oferta gastronómica e ás paisaxes únicas como as das Illas Atlánticas ou as da Ribeira Sacra.
Co obxectivo de que a Comunidade faga honra á súa tradición como punto de encontro de culturas, o responsable do Executivo autonómico aseverou que xa se está a traballar nesta celebración que implica a todos os galegos.
Feijóo aproveitou o encontro para invitar á colectividade galega da cidade e a todos os arxentinos a visitar Galicia. E agradeceu ao Centro Gallego de Comodoro Rivadavia, que está a punto de ser unha institución centenaria, a súa vocación por ter Galicia sempre presente, a través dun museo dedicado á emigración galega, cunha biblioteca con máis de 3.000 volumes e que leva o nome de Rosalía de Castro, con dous grupos de baile ou celebrando o Día das Letras Galegas.
Agradecervos este compromiso coa galeguidade, afirmou, recordando que as irmandades, as casas de Galicia e os centros galegos que se fundaron son exemplo dunha maneira de entender a galeguidade dunha forma aberta e tolerante.
Feijóo concluíu subliñando que todas elas foron fundadas para proxectar Galicia, non para pechala, dixo, incidindo en que a nosa identidade galega non é excluínte e non fai elixir, senón que é dialogante, aberta e tende sempre á suma.
A Cidade da Cultura reunirá estes días as persoas representantes dunha vintena de linguas minoritarias de Europa. Será durante a asemblea xeral e a conferencia anual da Network to Promote Linguistic Diversity (NPLD), unha organización de ámbito europeo cuxa finalidade é promover a diversidade lingüística na UE. Entre os seus membros figura, desde a súa creación, a Xunta de Galicia, que, a través da Consellería de Cultura actúa como anfitrioa nos eventos de 2024. Na xornada trataranse os asuntos que atinxen á administración da organización e presentaranse varios informes.
A Xunta vai solicitar de xeito inmediato ao Goberno central o traspaso dos medios materiais e persoais para xestionar a súa costa trala sentenza do Tribunal Constitucional que avala a Lei de ordenación e xestión integrada do litoral de Galicia. A conselleira de Medio Ambiente e Cambio Climático, Ángeles Vázquez, respondeu unha pregunta no pleno do Parlamento sobre esta materia na que salientou que o Alto Tribunal certifica que a norma galega é plenamente constitucional. Ademais, subliñou, confirma o que sempre defendeu a comunidade, que non é necesario reformar o Estatuto de Autonomía para que Galicia poida exercer plenamente as súas lexítimas competencias sobre o litoral.
