sábado, 27 de abril de 2024
Tamén subliñou que os servizos de urxencias dos hospitais públicos galegos están adecuadamente dotados tanto en recursos humanos como materiais, para prestar a asistencia sanitaria urxente que demandan os pacientes cos estándares de calidade e seguridade adecuados.
Segundo detallou Almuiña, cando se produce un incremento da demanda realízase unha adaptación do modelo de asistencia co obxectivo de garantir a atención a todos os pacientes que acoden a estes dispositivos. Ademais, o Sergas dispón de plans de continxencia que recollen a planificación das accións a levar a cabo nos distintos centros.
O titular da carteira sanitaria destacou que o Sergas ten renovado e reforzado as infraestruturas dos servizos de urxencias e que seguen as melloras. Así, nos últimos anos, leváronse a cabo ampliacións e unidades de nova creación nos servizos de urxencias do Complexo Hospitalario Universitario da Coruña; no Hospital do Salnés; no Hospital Montecelo; na área de curta estadía das urxencias do Complexo Hospitalario Universitario de Ourense; así como no Hospital da Costa. Xunto con iso, implantáronse os protocolos para a atención de patoloxías tempo dependentes como o infarto, o ictus e a sepse.
Urxencias no Hospital de Santiago
No que atinxe en concreto á actividade asistencial do Servizo de Urxencias do Complexo Hospitalario Universitario de Santiago, Almuiña sinalou que nos nove meses do que vai de ano atendeu 116.772 urxencias, o que supón unha media diaria de 427, fronte ás 424 do ano anterior, destacando que para atender as urxencias de adultos conta cun coordinador, 44 facultativos, 70 enfermeiros, 44 auxiliares de enfermería, e 35 celadores, e si a demanda asistencial é moi alta refórzase con máis persoal segundo as necesidades. En canto á dotación do persoal de urxencias pediátricas, conta con 3 pediatras de garda, 7 profesionais de enfermería, 6 auxiliares e unha supervisora.
Ademais, o titular da carteira sanitaria de Galicia subliñou que tras a remodelación estrutural do servizo realizada en setembro pasado, que permitiu dotar de 7 boxes máis á área de Urxencias do CHUS, estase levando a cabo un estudo funcional de necesidades. A avaliación do mesmo a está a efectuar un grupo de traballo integrado por profesionais de Urxencias. Isto non quita que nos servizos de urxencias tódolos días do ano esteamos a reavaliar as necesidades debido ao carácter da actividade urxente que, por definición, non é planificable, remarcou o conselleiro.
Na súa intervención, Almuiña indicou que o Sergas conta con profesionais de alta cualificación e formación así como con infraestruturas e equipamentos de calidade, traballando con protocolos e sistemas de información que permiten o desenvolvemento do seu traballo nas mellores condicións.
Tamén incidiu na importancia da atención primaria, que foi quen de acadar un nivel de resolución de urxencias no seus Puntos de Atención Continuada do 91,2% no pasado ano. Destacou, tamén, outros programas do seu departamento que permiten que os pacientes non teñan que achegarse aos hospitais para ser atendidos, como é o TELEA ou a hospitalización a domicilio, ademais do traballo que realiza o 061.
A Formación Profesional galega contará a partir do vindeiro curso co dobre de inglés do marcado como mínimo na normativa básica estatal e permitirá ao alumnado realizar ata 700 horas de formación práctica, ata un 82% máis que ata o momento. Todo isto mantendo o peso da formación no centro educativo, cuxo profesorado é o piar fundamental do éxito acadado polo sistema galego de FP nos últimos anos. O modelo de FP de éxito tense adiantado e implementado moitos dos cambios que agora o Ministerio toma como sistema a imitar en toda España. Polo tanto a aplicación da nova lei vai ser flexible, de tal forma que en Galicia se manteña a excelencia e se incorporen as novidades.
Foi presentado o evento The Way Startup Summit 2024, que un ano máis convertirá a Vigo no maior foro de emprendemento, innovación e investimento no Noroeste de España e cita de referencia a nivel nacional. O programa de They Way contempla tres grandes escenarios ao redor da innovación, o emprendemento e o investimento, así como a organización de espazos de networking entre os asistentes, co obxectivo de que establezan contactos, intercambien coñecementos e propíciense sinerxias entre eles. The Way desenvolverase os días 9 e 10 de maio abordando temas como os retos de futuro das FinTech, da mobilidade, da alimentación, do retail, do turismo, do deporte ou do téxtil, entre outras áreas.
