viernes, 26 de abril de 2024
O concurso de imaxes gráficas e pezas audiovisuais convocado pola Xunta con motivo da conmemoración, o próximo 25 de novembro, do Día Internacional contra a violencia de xénero entra na súa última semana de prazo, que rematará o próximo venres 9 de novembro.
A iniciativa está dirixida a calquera centro educativo de ensino non universitario de Galicia, que xa foron informados a través dunha circular. O obxectivo é promover a reflexión sobre a loita contra a violencia de xénero, e sensibilizar sobre a importancia de valores como o respecto e a igualdade entre mulleres e homes.
O contido das pezas deberá incluír unha mensaxe clara e rotunda que promova a erradicación desta violencia. Poderán presentarse pezas gráficas (cartel, cómic, ilustración ou debuxo) ou audiovisuais (curtas, videoclips, performances, flasmobs...).
O concurso dividirase en dúas categorías: a primeira, para o alumnado de 5º e 6º de primaria e 1º e 2º de Educación Secundaria Obrigatoria (ESO); e a 2ª, para alumnado de 3º e 4º da ESO e 1º e 2º de bacharelato.
As pezas que resulten gañadoras en cada categoría poderán ser empregadas pola Xunta de Galicia na conmemoración do Día Internacional Contra a Violencia de Xénero do próximo 25 de novembro, ou noutras accións de sensibilización contra esta lacra.
A Cidade da Cultura reunirá estes días as persoas representantes dunha vintena de linguas minoritarias de Europa. Será durante a asemblea xeral e a conferencia anual da Network to Promote Linguistic Diversity (NPLD), unha organización de ámbito europeo cuxa finalidade é promover a diversidade lingüística na UE. Entre os seus membros figura, desde a súa creación, a Xunta de Galicia, que, a través da Consellería de Cultura actúa como anfitrioa nos eventos de 2024. Na xornada trataranse os asuntos que atinxen á administración da organización e presentaranse varios informes.
A Xunta vai solicitar de xeito inmediato ao Goberno central o traspaso dos medios materiais e persoais para xestionar a súa costa trala sentenza do Tribunal Constitucional que avala a Lei de ordenación e xestión integrada do litoral de Galicia. A conselleira de Medio Ambiente e Cambio Climático, Ángeles Vázquez, respondeu unha pregunta no pleno do Parlamento sobre esta materia na que salientou que o Alto Tribunal certifica que a norma galega é plenamente constitucional. Ademais, subliñou, confirma o que sempre defendeu a comunidade, que non é necesario reformar o Estatuto de Autonomía para que Galicia poida exercer plenamente as súas lexítimas competencias sobre o litoral.
