viernes, 26 de abril de 2024
O concerto Queen Symphony na Cidade da Cultura constitúe sen dúbida a gran cita deste verán no ámbito sinfónico e musical, un encontro no que a nosa cultura e lingua propias terán oportunidade de dialogar cun dos grandes grupos da historia da música universal, destacou o secretario xeral de Política Lingüística.
Pola súa parte, o director da Agadic incidiu no compromiso da Consellería de Cultura co apoio e a difusión da actividade bandística e na importancia do papel que exercen estas formacións musicais na creación e na consolidación de públicos consumidores e produtores de música no futuro.
Queen Symphony constitúe a reinterpretación de carácter sinfónico dos éxitos da mítica banda inglesa, composta no ano 2002 por Tolga Kashif e estreado mundialmente no Royal Festival Hall coa Royal Philharmonic Orchestra, da man da Banda Artística de Merza con acompañamento do coro vigués Gli Appassionati, coa participación dun cento de instrumentistas e 70 voces que permitirán escoitar de xeito totalmente diferente e novidoso os temas da formación liderada por Freddie Mercury.
A estrea do novo proxecto despide o mes de xullo do programa Atardeceres no Gaiás, que ofrece 21 actuacións entre xullo e agosto nunha edición deseñada como unha aposta polas voces femininas. Toda a información e calendario de concertos no web http://www.cidadedacultura.gal/es/evento/atardecer-no-gaias-2018 e na Axenda de Cultura de Galicia.
A Cidade da Cultura reunirá estes días as persoas representantes dunha vintena de linguas minoritarias de Europa. Será durante a asemblea xeral e a conferencia anual da Network to Promote Linguistic Diversity (NPLD), unha organización de ámbito europeo cuxa finalidade é promover a diversidade lingüística na UE. Entre os seus membros figura, desde a súa creación, a Xunta de Galicia, que, a través da Consellería de Cultura actúa como anfitrioa nos eventos de 2024. Na xornada trataranse os asuntos que atinxen á administración da organización e presentaranse varios informes.
A Xunta vai solicitar de xeito inmediato ao Goberno central o traspaso dos medios materiais e persoais para xestionar a súa costa trala sentenza do Tribunal Constitucional que avala a Lei de ordenación e xestión integrada do litoral de Galicia. A conselleira de Medio Ambiente e Cambio Climático, Ángeles Vázquez, respondeu unha pregunta no pleno do Parlamento sobre esta materia na que salientou que o Alto Tribunal certifica que a norma galega é plenamente constitucional. Ademais, subliñou, confirma o que sempre defendeu a comunidade, que non é necesario reformar o Estatuto de Autonomía para que Galicia poida exercer plenamente as súas lexítimas competencias sobre o litoral.
