Noticias

La oposición considera que la comisión de incendios de Galicia nace devaluada

La Comisión de Estudio de las reformas de la política forestal y de os incendios forestales aprueba su plan de trabajo incorporando la comparecencia de 65 personas o entidades. El PPdeG lamenta que la oposición rechazara este plan porque no incluye la comparecencia del vicepresidente ni del presidente de la Xunta. La oposición dice que nace devaluada.

Nota de prensa del Gabinete de Comunicación del PPdeG:

A Comisión de Estudo das reformas da política forestal e dos incendios forestais aprobou hoxe o seu Plan de Traballo, que incorpora a comparecencia de 65 persoas ou entidades, das que 41 formaban parte das propostas realizadas polos grupos da oposición; así como 47 solicitudes de documentación, das que 32 figuraban nas propostas de Plan de Traballo feitas pola oposición.

O portavoz do Medio Rural do Grupo Popular, José González, criticou que os grupos da oposición decidiran finalmente rexeitar este Plan de Traballo “coa única escusa de que non se incorpora a comparecencia do Vicepresidente da Xunta, a pesar de que este membro do Goberno xa compareceu neste mes de decembro no Pleno do Parlamento para informar sobre o traballo das emerxencias durante a vaga de incendios e formular propostas para a mellora deste servizo”.

José González subliñou que neste ámbito das emerxencias o Plan de Traballo incorpora a comparecencia tanto do director xeral de Emerxencias e Interior como do xerente da Axencia Galega de Emerxencias, co que se entende que xa está perfectamente representado na Comisión.

Na busca de consenso para a aprobación deste Plan de Traballo, González chegou a aceptar nun receso da Comisión a práctica totalidade das solicitudes de comparecencias e informes realizadas polos grupos da oposición, que finalmente se negaron a apoiar o Plan de Traballo pola ausencia do Vicepresidente do Goberno galego no listado definitivo.

O portavoz popular manifestou que “a total disposición do Grupo Popular para acadar o máximo acordo sobre este Plan de Traballo chocou coa negativa premeditada dos grupos da oposición a apoiar este plan, a pesar do que se aceptou desde o primeiro momento, incorporando 27 dos seus comparecentes e 19 solicitudes de documentación”.

Neste sentido, explicou que a proposta de Plan de Traballo do Grupo Popular “era un punto de partida, no que recollendo comparecencias e informes dos diferentes ámbitos relacionados co noso monte, debíase enriquecer coas achegas dos grupos da oposición”.

“Con este ánimo estivemos negociando ao longo do día de onte e de hoxe, ata o remate da Comisión, pero lamentamos que a oposición estea a buscar máis o ataque ao Goberno galego que a solución dos problemas reais dos galegos e, neste caso, no futuro dun monte galego multifuncional, vivo e dinámico, sustentable e rendible economicamente”

Nota de prensa del Gabinete de Comunicación del PSdeG:

O portavoz do Grupo Socialista, Xoaquín Fernández Leiceaga, criticou os esforzos do PP por “devaluar” o Plan de Traballo da Comisión de Estudo sobre os incendios xudiciais “ata estremos que non parecen xustificables”. Así o dixo na sesión do órgano, que aprobou o plan de traballo co voto en contra dos socialistas ao impedir a comparecencia de Feijóo, Rueda ou a conselleira Mato.

Os representantes socialistas no dito órgano, o portavoz e o responsable de Política Forestal, José Antonio Quiroga, sinalaron as “carencias importantes” dun plan de traballo que elude deliberadamente os “puntos sensibles” da política de extinción e prevención de incendios do goberno galego. Consideran que este motivo provoca unha concepción con importantes “taras” e un plan de traballo “coxo”.

O PP negouse a incorporar ao presidente da Xunta, ao máximo responsable dos servizos de emerxencias, que é o vicepresidente da Presidencia, ou da conselleira de Medio Ambiente.

Fernández Leiceaga amosou ademais a súa sorpresa polo escaso esforzo realizado polo PP e o goberno galego á hora de engadir os informes para estudar as causas confrontar diferentes teses que permitiran acreditar ou non a existencia do terrorismo incendiario. Lembrou o termo acuñado, pero nunca demostrado, polo presidente da Xunta para explicar a vaga de lumes que en outubro calcinou 49.000 hectáreas e acabou coa vida de catro persoas.

Así, negáronse a incorporar o informe da Fiscalía do Tribunal Superior de Xustiza de Glaicia sobre as persoas postas a disposición xudicial e as dilixencias xudiciais ao respecto, o informe do TSXG. Tampouco quixeron solicitar a relación de casos xudiciais por motivos de incendios forestais nos que se personou a Xunta ou as condenas e sancións por motivos de incendios forestais, sinalando aqueles nos que se personou o Goberno galego.

Si que foron incorporadas sen embargo as peticións dos socialistas galegos para solicitar a comparecencia do Fiscal Especial de Medio Ambiente, o delegado do Goberno ou os alcaldes de Carballeda de Avia, Cervantes, As Neves e Nigrán, os concellos máis afectados pola vaga de lumes. Tamén serán chamados os responsables dos sindicatos Unións Agrarias, CC.OO., UGT e CIG.

Nota de prensa del Gabinete de Comunicación de En Marea:

En Marea votou en contra do plan de traballo da comisión especial sobre os incendios forestais porque o PP rexeitou as principais aportacións en auditorías, comparecentes e informes invalidando así a proposta realizada por EM para que esta fose unha comisión “cun cualificado perfil técnico e coa capacidade de facer o diagnóstico sobre o situación real do rural galego e ofrecer as solucións necesarias para o futuro”, segundo sinalou Luís Villares. A intención de En Marea de que esta comisión especial fose máis alá da política forestal e dos lumes e se ocupase da ordenación do territorio para chegar á causa estructural dos lumes foi rexeitada polo PP que non quixo asumir as auditorias propostas por EM e tampouco quixo escoitar aos expertos en territorio. Outra das razóns fundamentais da negativa de En Marea a secundar o plan de traballo da comisión foi que o PP non quixo admitir nas comparecencias a ningún dos colectivos profesionais que participaron no operativo de extinción na vaga de lumes de outubro.

Entre os motivos que xustifican a negativa de EM ao plan de traballo proposto inicialmente polo PP e asumido pola mesa da comisión como se fose propio, están as negativas do PP a realizar as auditorías solicitadas: “nos queríamos unha auditoría do que fixo durante estes anos a Dirección Xeral de Ordenación Forestal, auditoria que nos foi negada a pesar de que o seu máximo responsable, Fernández Couto está imputado“, tal como explicou o voceiro. Dentro das propostas de En Marea tamén figuraba unha auditoría do “funcionamento dos plans de emerxencias e riscos forestais que tampouco foi admitida”.

Tamén foi denegada polo PP a “comparencia das traballadoras e traballadores dos corpos de extinción que actuaron durante o domingo negro e tamén denegado“. No mesmo sentido se vetou a comparencia dos representantes dos traballadores e traballadoras do servizo do 112. Tamén se opuxo o PP á comparecencia de expertos en cambio climático. No catálogo de negativas do Partido Popular tamén figuran a petición de En Marea a contar coa presenza en comisión dos expertos en gandeiría e pastos e os expertos en alternativas de explotacións agrogandeiras.

Para En Marea, o plan de traballo tiña que ser útil para que os expertos máis cualificados puidesen realizar primeiro un diagnóstico da situación e logo ofrecer solucións para a situación real do rural en Galicia. Diagnóstico e solucións que necesariamente tiñan que estar formuladas con carácter integral en en clave de ordenación do territorio. A ordenación do territorio é un argumento que EM considera fundamental para entender os lumes en Galicia, pero que vai moito máis alá da política forestal. Neste sentido, En Marea considera frustrante que o PP negase a presenza na comisión de expertos xeógrafos nesta comisión que ofrecesen unha visión da evolución do territorio en Galicia nos últimos anos. Todas estas negativas por parte do PP evidencian a imposibilidade para que En Marea respaldase o plan de traballo proposto polo Partido Popular.

A todas estas negativas hai que sumar aínda o rexeitamento do PP a que comparecesen representantes sindicais dos sectores agrogandeiros e sindicais, así como os responsables de colectivos ecoloxistas.

Tamén explicou Luís Villares que para EM esta comisión tiña que ser eminentemente técnica, con especialistas de todos os ámbitos e “buscando un coñecemento real das causas dos incendios e unha solución integral para darlle futuro ao rural galego”. Neste sentido, a intención de conseguir unha comisión efectiva, EM non propuxo a presenza de Rueda ou Feijóo na mesma porque a “nosa intención -sentenzou Luís Villares- era que na comisión falasen expertos, non xente que xa demostrou a súa incompetencia“.

R., 2017-12-27

Actualidad

Foto del resto de noticias (medio-ambiente.jpg) O Pacto Mundial da ONU é a iniciativa de Nacións Unidas que lidera a sustentabilidade empresarial no mundo. Conta con máis de 20 anos de experiencia e máis de 70 redes locais a nivel global, entre elas, a española. O Cactus do Campus Terra da USC acolleu este luns 6 a xuntanza deste órgano que ten como obxectivo fomentar a implantación dos Dez Principios do Pacto Mundial ao mesmo tempo que promove a integración dos Obxectivos de Desenvolvemento Sostible no sector empresarial, sendo a única organización que conta co mandato de Nacións Unidas para este propósito.
Foto de la tercera plana (cdc-01.jpg) A Cidade da Cultura impulsa a transformación artística do patrimonio sonoro galego a través de dúas residencias dos artistas Xoán-Xil López e Matilde Meireles. Faino a través da Fundación Cidade da Cultura en colaboración co festival RESIS de música contemporánea e co Instituto de Ciencias do Patrimonio (Incipit-CSIC). No proxecto titulado Sereas, o lugués Xoán-Xil López está a dar forma a un concerto inspirado no levantamento das traballadoras da Fábrica de Tabacos da Coruña en 1857, cando estas se revelaron contra a mecanización da produción arroxando ao mar as máquinas adquiridas pola empresa.

Notas

O Festival Internacional de Divulgación Científica Pint of Science regresa a vindeira semana e nesta nova edición estará presente 500 cidades de 25 países, entre elas, 67 cidades de España como Ourense e Vigo. Será a novena vez que esta iniciativa de divulgación científica se celebre en España, propoñendo bares, pubs e cafeterías como punto de encontro entre científicos e científicas e o público xeral.
Un consorcio formado por persoal investigador das tres universidades galegas, liderado desde a Universidade de Santiago de Compostela pola docente Luzia Oca e a ONG Ecos do Sur, están a traballar no proxecto ‘Mulleres á fronte dende o Sur Global. Investigación e intervención participativa en materia de desenvolvemento e igualdade a través da música’.
PUBLICIDAD
ACTUALIDAD GALICIADIGITAL
Blog de GaliciaDigital
PUBLICACIONES